Старшыня камісіі па міжнародных справах і нацыянальнай бясьпецы Савету рэспублікі Нацыянальнага сходу Беларусі Мікалай Чаргінец запытаў у Міністэрстве ўнутраных спраў даведку пра падзеі ў Менску 25 сакавіка. Пра гэта ён паведаміў на прэсавай канфэрэнцыі 27 сакавіка.
 Мікалай Чаргінец |
Старшыня камісіі па міжнародных справах і нацыянальнай бясьпецы Савету рэспублікі Нацыянальнага сходу Беларусі Мікалай Чаргінец запытаў у Міністэрстве ўнутраных спраў даведку пра падзеі ў Менску 25 сакавіка. Пра гэта ён паведаміў на прэсавай канфэрэнцыі 27 сакавіка.
Нагадаем, увечары 25 сакавіка праваахоўныя органы жорстка разагналі ў Менску дэманстрацыю ў гонар Дня Волі. У ліку затрыманых — лідэры й актывісты маладзёвага дэмакратычнага руху Зьміцер Дашкевіч, Артур Фінькевіч, Іван Шыла, Крысьціна Шацікава, Кацярына Салаўёва. Пры затрыманьні байцы спэцназу зьбівалі дэманстрантаў дубінкамі й нагамі.
Былі таксама затрыманыя журналісты газэты «Наша Ніва» Сямён Печанко й Андрэй Лянкевіч. Апошні быў зьбіты пры затрыманьні, а Сямёна Печанко асудзілі на 15 сутак арышту.
Камэнтуючы па просьбе БелаПАН факт зытрыманьня журналістаў, Мікалай Чаргінец заявіў:
«Калі журналіст, які зьяўляецца грамадзянінам Беларусі, парушыў законы — ён павінен адказваць. Калі няправільныя меры прымянілі супрацоўнікі праваахоўчых органаў — адказваць мусяць яны. Трэба разабрацца ў сытуацыі з журналістамі».
Вучылася на настаўніцу беларускай мовы, строіла палкоўнікаў. Шэсць фактаў пра Вольгу Чамаданаву, якая ідзе на выбары19
Каментары