Выпадак здарыўся некалькі дзён таму, паведамляе сайт мінскай міліцыі.
У міліцыю патэлефанаваў мужчына і заявіў, што ў яго скралі партфель з дакументамі і грашыма.
Высветлілася, што ён паставіў машыну на стаянку каля буйнога гандлёвага цэнтра недалёка ад працы. На заднім сядзенні пакінуў партфель з дакументамі і 30 млн. рублёў.
Бліжэй да абеду вярнуўся да аўто і пабачыў, што задняе бакавое шкло разбіта, а партфель знік.
Супрацоўнікі аддзела крымінальнага вышуку Цэнтральнага РУУС досыць аператыўна знайшлі падазраванага ў здзяйсненні крадзяжу. Ім аказаўся раней неаднаразова судзімы за аналагічныя злачынствы 33-гадовы мінчанін. Ён затрыманы, заведзена крымінальная справа.
Каментары