Афіша

Sciana загучыць па-іншаму — 30 мая

30 мая у Мінск з сольным канцэртам едзе гурт Sciana. Берасцейцы прадставяць публіцы свой новы сінгл «Новая хваля», які папярэднічае выхаду іх трэцяга альбому. Канцэрт пройдзе ў межах акцыі «Жывы Тузін», якую ладзіць партал Tuzin.fm пры падтрымцы кампаніі «Будзьма беларусамі».

Ад часу выхаду альбому «Кропка вяртання» (2010) у гурце Sciana адбылося нямала зменаў. Найперш абнавіўся склад, да музыкаў далучыўся электроншчык Валеры Сакалоў, вядомы з праектаў «Too late: Frozen» i SKLF. Вакаліст Павел Прохараў кажа, што прыход новага чалавека бясспрэчна адбіўся на гучанні яго каманды. «Альбом ужо амаль зроблены, выхад яго запланаваны на жнівень. Можа і карціць назваць гэты дыск найлепшым у нашай дыскаграфіі, але казаць гэтага не будзем, бо ведаем, што самае крутое толькі наперадзе!» — зазначае Павал і абяцае, што на альбоме будзе нямала сюрпрызаў. Як гучыць сёньня каманда можна пачуць у загалоўнай песні з новага сінгла музыкаў

«Новая хваля», што была нядаўна прэзентаваная ў сеціве. Яшчэ тры новыя песні будуць прадстаўлены ў інтэрнэце напярэдадні канцэрту.
Гэтым летам гурт будзе святкаваць ужо 14-ты год нараджэння. Сярод іх дасягненняў – перамога на «Басовішча-2003», прыз, як найлепшаму рэгіянальнаму гурту на «Рок-Каранацыі-2006», галоўны прыз на буйным польскім фэсце «Rock Noca-2011».

Sciana дужа шанаваная ў Польшчы ды Украіне, але ў Беларусі выступае даволі рэдка.

Sciana выйдзе на сцэну клуба Loft 30 мая ў фінальным канцэрце сезону праекту «Жывы Тузін». У вечарыне таксама возьме ўдзел «ар’ергарднае трыё» Tonqixod на чале з Уладзем Лянкевічам, якое пакажа сваю дэбютную праграму ў стылістыцы блізкай да арт-року.

Весці канцэрт «Жывы Тузін» па традыцыі будзе Алег Хаменка.
Не абыйдзецца справа без падарункаў ад сяброў «Тузіна Гітоў» — кампаніі «Будзьма беларусамі».

***

    Праект «Жывы Тузін» існуе з 2011 году. Праводзіцца ў фармаце падвоеннага канцэрту з удзелам вядомага беларускага гурта, які сваім выступам падтрымлівае маладзейшых выступоўцаў. Абедзьве каманды выступаюць з эксклюзіўнай праграмай, падрыхтаванай непасрэдна да гэтага вечару. У межах праекту выступілі такія гурты, як Akute,:B:N:, N.R.M., J:Морс, IQ48, Re1ikt, Pomidor/off ды іншыя. У сезоне 2011-2012 менавіта на «Жывым Тузіне» адбыліся прэм’еры новых праграмаў гуртоў HandMadE, «Людзі на балоце», «Палац», BosaeSonca, ili-ili, «Аляксандра і Канстанцін».

***

30 мая (чацвер). 19.00. Loft cafе (вул.П.Броўкі, 22). Завяршальны канцэрт праекту «Жывы Тузін» у клубным сезоне 2012-2013

Tonqixod

прэзэнтацыя дэбютнай праграмы ад «ар’ергарднага трыё» Уладзя Лянкевіча

SCIANA

прэзентацыя EP «Новая хваля» + лепшыя і новыя песні

Кошт квітка – 80 000 руб.

    Квіткі можна набыць у касах KVITKI.BY і непасрэдна ў клубе перад канцэртам

    Замовіць столік : +375 29 38 000 10

    Іншыя пытаньні: + 375 29 687 20 93

Каментары

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй17

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй

Усе навіны →
Усе навіны

Еўрасаюз спыняе закупкі мэблі з Беларусі5

На «Славянскім базары» па даносе затрымалі дзяўчыну з татуіроўкай «х*й вайне»14

Ксёндз Анджэй Юхневіч: Мяне могуць за гэта судзіць, але я хачу публічна выказаць салідарнасць з братамі-ўкраінцамі5

У Белавежскай пушчы маланка разарвала 200-гадовы дуб ВІДЭА1

Расія выкарыстоўвае для перавозу пяхоты гольф-кары і беларускія матацыклы. Ад гэтага страты растуць11

Алімпіяду-2024 у Беларусі не пакажуць7

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю14

Жыхары Мазыра сталі ў гіганцкую чаргу, каб падзарадзіць тэлефоны ВІДЭА5

За данат $15 затрымалі старшага спецыяліста па тэсціраванні мінскай IT-кампаніі

больш чытаных навін
больш лайканых навін

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй17

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй

Галоўнае
Усе навіны →