У Гродне аварыя трубаправода, падмыў дарогі, паўгорада засталося без цяпла
Па інфармацыі Гродзенскага гарвыканкама, аварыю ліквідавалі, а цяпло вярнулася ў кватэры.
Сёння ўначы вялікая частка Гродна засталася без ацяплення. Першапрычынай стаў прарыў трубаправода на вуліцы Белуша. Ён быў такі моцны, што прыйшлося нават эвакуяваць жыхароў некаторых прыватных дамоў, а два пажарныя атрымалі апёкі, калі выносілі дзяцей, і трапілі ў бальніцу.
Халодныя батарэі — у кватэрах ў цэнтры, замярзаюць Фолюш, Вішнявец і раён вуліц Кляцкова і Кабяка.
Адменены заняткі ў некаторых школах і садках.
У ЖЭСах пакуль не ведаюць, калі з’явіцца цяпло. Людзей просяць «пацярпець». Ідуць рамонтныя работы.
На дварэ ў Гродне сёння мінус 9, заўтра чакаецца ўзмацненне марозаў.
Ацяпленне адсутнічае ў дамах не толькі на Белуша, а і ў іншых раёнах, бо адбываецца перазапуск сістэм ацяплення. І гэта ўплывае на многія дамы.
Паведамляе МНС:
У 03.01 у цэнтр аператыўнага кіравання паступіла паведамленне аб тым, што адбыўся парыў трубаправода цеплазабеспячэння дыяметрам 700 мм каля жылога дома № 20А на вуліцы Белуша ў Гродне.
Выратаваны жыхары шасці падтопленых прыватных жылых дамоў (усяго 11 чалавек, з іх 3 дзяцей). Вышыня гарачага вадзянога патоку дасягала метра. Выкарыстоўваліся выратавальныя дошкі, дзяцей выносілі на руках. Для правядзення эвакуацыйных мерапрыемстваў прыцягнуты аўтобус МАЗ аўтапарка № 1. Часова жыхароў падтопленых дамоў размясцілі ў сярэдняй школе № 13, да сваякоў і ў гасцініцу.
У ходзе выратавальнай аперацыі, пераносячы дзяцей праз гарачы струмень ва ўмовах дрэннай бачнасці
Задзейнічана 7 адзінак тэхнікі МНС (26 работнікаў).
Абвешчаны экстраны збор гарадской камісіі па НС для каардынацыі дзеянняў прыцягнутых сіл і сродкаў.
На месцы парыву працуюць: аварыйныя брыгады водаканала і УЖРЭП Кастрычніцкага раёна. Праведзена перезапітка цеплазабеспячэння жылога сектара абваднымі трубаправодамі. Праводзіцца адпампоўка вады.
Без цеплазабеспячэння застаюцца шэраг дамоў у завулку і вуліцы Белуша, Лідком, ТАА «Дыфа» і дзіцячы сад № 38.
Каментары