FSB Rasii abjaviła, što zatrymała padazravanaha ŭ padryvie načalnika Alenaŭskaj kałonii
Fiederalnaja słužba biaśpieki Rasii paviedamiła, što zatrymała žychara Daniecka, jaki padazrajecca ŭ datyčnaści da padryvu aŭtamabila ŭ centry Daniecka 9 śniežnia.
Pavodle FSB, zatrymany ŭstanaviŭ vybuchovuju pryładu pad dno aŭtamabila i dystancyjna zrabiŭ padryŭ. U FSB paviedamili, što mužčyna, asoba jakoha nie raskryvajecca, dziejničaŭ pa zadańni Hałoŭnaha ŭpraŭleńnia raźviedki Minabarony Ukrainy.
U Śledčym kamitecie zajavili, što ŭkrainskija śpiecsłužby abiacali vykanaŭcu 10 tysiač dołaraŭ.
Džyp uzarvaŭsia ŭ centry Daniecka 9 śniežnia, z-za čaho paciarpieli dvoje miascovych žycharoŭ — mužčyna i žančyna, paviedamiŭ Śledčy kamitet, nie raskryvajučy asob paciarpiełych. Aficyjna imiony nie nazyvalisia. Telehram-kanały paviedamili, što paśla vybuchu zahinuŭ načalnik Alenaŭskaj kałonii DNR Siarhiej Jeŭsiukoŭ. Jaho žoncy adarvała nahu
Va Ukrainie na Jeŭsiukova była zaviedzienaja kryminalnaja sprava za datyčnaść da hibieli ŭkrainskich pałonnych. 29 lipienia 2022 hoda ŭ vyniku vybuchu ŭ kałonii — jak vyhladaje, u pamiaškańnie padkłali mahutnuju vybuchoŭku — zahinuli 53 ukrainskija vajennapałonnyja i jašče 130 atrymali ranieńni.
Kamientary