Parłamient Paŭdniovaj Karei padtrymaŭ impičmient prezidentu Jun Sok Jolu, jaki 10 dzion tamu abviaściŭ vajennaje stanovišča ŭ krainie. Tydzień tamu impičmient pravaliŭsia.
Parłamient Paŭdniovaj Karei prahałasavaŭ za abviaščeńnie impičmientu prezidentu Jun Sok Jelu, jaki na minułym tydni zrabiŭ niaŭdałuju sprobu ŭvieści ŭ krainie vajennaje stanovišča, paviedamlaje Yonhap.
Padobnuju mieru padtrymali 204 Z 300 členaŭ adnapałatnaha parłamienta krainy Nacyjanalnaha schodu. Suprać prahałasavali 85 členaŭ parłamienta, jašče troje ŭstrymalisia ad hałasavańnia, 8 hałasoŭ pryznanyja niesapraŭdnymi. Dla impičmientu była nieabchodnaja padtrymka nie mienš za dźvie traciny deputataŭ.
Adnak u šaści apazicyjnych partyj, jakija zapuścili praceduru, jość usiaho 192 miescaŭ, tamu im nieabchodna było zaručycca padtrymkaj prynamsi vaśmiarych členaŭ kiroŭnaj partyi «Siła naroda».
U minułuju subotu impičmient pravaliŭsia, bo jaho bajkatavała kiroŭnaja partyja. Pieršapačatkova «Siła naroda» płanavała padtrymać adpaviedny zakonaprajekt, ale paśla taho, jak prezident paprasiŭ prabačeńnia i paabiacaŭ daručyć kiravańnie krainaj kiroŭnaj partyi, źmianiła svajo mierkavańnie i vyrašyła bajkatavać hałasavańnie.
12 śniežnia Jun Sok Jol vystupiŭ z novym videazvarotam, u jakim nazvaŭ uviadzieńnie vajennaha stanovišča 3 śniežnia «vielmi vyvieranym palityčnym krokam», zaklikanym «abaranić nacyju i narmalizavać dziaržaŭnyja spravy».
Paŭdniovakarejski prezident taksama tady zajaviŭ, što jaho rašeńnie adpravić vojska da parłamienta nielha ličyć miaciažom.
«Ja sam usio rabiŭ pravilna». Syn dyjakana paprasiŭ pazbavić vizy dačku hienierała — i trapiŭ u turmu za palityku2
Kamientary
Voś majem to što majem