Piensijanierku z Salihorska Hannu Straževič asudzili da čatyroch hadoŭ kałonii
Hannu abvinavacili pavodle čatyroch kryminalnych artykułaŭ, u tym liku ŭ «sadziejničańni ekstremisckaj dziejnaści», piša «Viasna».
59-hadovuju Hannu zatrymali 18 śniežnia 2023 hoda. Kryminalnaja sprava suprać jaje była raspačata za «abrazu Łukašenki» (art. 368 KK), «abrazu milicyjanta» (art. 369 KK), «paklop na Łukašenku» (č. 2 art. 367), udzieł u pratestach (art 342 KK) i «sadziejničańnie ekstremisckaj dziejnaści» (č. 1 i č. 2 art. 361-4 KK).
Sud byŭ zakrytym, tamu padrabiaznaści abvinavačvańniaŭ nieviadomyja. Mierkavana, sudzili jaje ŭ tym liku za salidarnaść z palitviaźniami. Viadoma, što Hanna aktyŭna pisała im listy.
Sudździa Viktoryja Palaščuk ahučyła žančynie prysud — čatyry hady pazbaŭleńnia voli ŭ kałonii va ŭmovach ahulnaha režymu, a taksama štraf 550 bazavych vieličyniaŭ (22 000 rubloŭ).
Pašpart Novaj Biełarusi pačnuć vydavać z 26 studzienia. Što viadoma i jak atrymać?76
Kamientary