«Joj było vielmi drenna apošnim časam». Znajomyja pra Śviatłanu Krucikavu, jakaja skončyła žyćcio samahubstvam paśla cisku milicyi
60-hadovaja Śviatłana Krucikava ź Pinska skončyła žyćcio samahubstvam, nie vytrymaŭšy zatrymańniaŭ. Usie jany byli palityčna matyvavanymi: Śviatłanu nieadnarazova sudzili za raspaŭsiud tak zvanych ekstremisckich materyjałaŭ.
Apošni sud nad žančynaj prajšoŭ amal za miesiac da trahiedyi: 6 listapada 2024 hoda Śviatłanu asudzili za «raspaŭsiud ekstremisckich materyjałaŭ».
Znajomyja siamji paćvierdzili «Našaj Nivie» trahičnuju hibiel Śviatłany. Pa ich słovach, praź cikaŭnaść da jaje milicyi i pahrozy kryminalnaj spravaj žančyna stała vielmi padazronaj, u jaje pačałasia paranoja.
«Joj było vielmi ciažka apošnim časam, ale jana trymałasia, jak mahła».
Blizkija da siamji krynicy taksama raspaviali, što Śviatłana sprabavała prachodzić psichałahičnaje lačeńnie, kab vyjści sa składanaha stanu.
«Jana starałasia być vielmi aktyŭnaj i pazityŭnaj, naviedvała haradskija mierapryjemstvy, ale ŭ vyniku nie vytrymała».
Nichto ź siabroŭ Śviatłany nie čakaŭ, što jana vyrašycca na hety krok.
U sacyjalnych sietkach Śviatłany paznačana, što ŭ 1987 hodzie jana skončyła Pinski piedahahičny kaledž. Da hetaha navučałasia ŭ škole-internacie dla dziaciej-sirot i dziaciej, jakija zastalisia biez apieki baćkoŭ.
Pa infarmacyi «Biełpoła», u svoj čas Krucikava pracavała hałoŭnym technołaham na zavodzie vinaŭ, a taksama ŭ firmie «ABC». Ciapier była piensijanierkaj.
Žančyna lubiła kvietki i žyvioł, pa mahčymaści vandravała, cikaviłasia chatnim chlebam na zakvascy. Razam z mužam jany vyhadavali dačku i syna. Viadoma, što ŭ paŭsiadzionnym žyćci Śviatłana imknułasia razmaŭlać pa-biełarusku.
«Naša Niva» vykazvaje spačuvańni blizkim Śviatłany Krucikavaj.
***
Kali vy ci vašy svajaki ŭ kiepskim psichałahičnym stanie, vy možacie źviarnucca ŭ słužbu ekstrannaj psichałahičnaj dapamohi. Heta ananimna i biaspłatna.
Telefony dla darosłych — (8 017) 352-44-44, 304-43-70, dla dziaciej i padletkaŭ — (8 017) 263-03-03.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary