Rasijskija nastaŭniki na zahad biełarusa spalili džynsy, partrety nobieleŭskich łaŭreataŭ i dyski z Windows

Bochan ad imia «Adzinaj Rasii» razasłaŭ u škoły Tulskaj i Varoniežskaj abłaściej rasparadžeńnie pravieści patryjatyčnuju akcyju «Naš pałymiany adkaz».

Sutnaść akcyi — u spaleńni atrybutaŭ zachodniaj kultury. Bochan daručyŭ nastaŭnikam spalić knihi aŭtaraŭ ź niedružalubnych krain, džynsy, staruju zachodniuju bytavuju techniku, dyski zachodnich vykanaŭcaŭ i inšyja rečy, jakija simvalizujuć «dehradujučuju zachodniuju kulturu».

@nnmediareport Nu tiepieŕ zaživiem #nato #šapočka #šapočkaizfolhi #obłučienije #učitiel #učitiela ♬ Naughty, evil, dubious and comical songs(1264665) - MATSU

Nastaŭniki pavinny byli takim čynam prademanstravać patryjatyzm, prychilnaść da tradycyjnych kaštoŭnaściaŭ, ačyščeńnie ad upłyvu niedružalubnych dziaržaŭ, a taksama vykazać padtrymku śpievaku Šamanu, jaki trapiŭ pad sankcyi.

Spravazdačy dasłali piedahohi ź jak minimum dźviuch ustanoŭ. Tak, nastaŭniki Archanhielskaj škoły ŭ Varoniežskaj vobłaści, nasupierak techzadańniu, pryciahnuli da akcyi dziaciej. Pradstaŭniki škoły paviedamili, što ŭdzielniki spalili cacki i knihi ź niedružalubnych krain. 

Miarkujučy pa fota, nastaŭniki paličyli niebiaśpiečnymi dla ruskaj kultury knihi pra «Karala lva», paduški z pryncesaj Žaśmin z «Aładzina» i roznyja miakkija cacki, u tym liku Chahi-Vahi. A ŭ śmietnicu adpravilisia skrynki z-pad drukarak i kłavijatur. Sapraŭdy dzieci spalili ŭsie hetyja rečy ci prosta zładzili fotasiesiju dla spravazdačy, niezrazumieła. 

Pavialičyć

Lepš vykanali zadańnie piedahohi z centra adukacyi ŭ Krasnym Jary Tulskaj vobłaści. Jany razdrukavali čorna-biełyja partrety nobieleŭskich łaŭreataŭ i ŭładalnikaŭ «Hremi» i spalili ich. Taksama ŭ vohnišča adpravilisia džynsy, dyski z Windows, skrynki ad fotaaparataŭ.

Pavialičyć

U Havarenkaŭskaj škole Tulskaj vobłaści ŭdzielničać u akcyi nie stali, patłumačyŭšy ŭsio drennym nadvorjem. A ŭ jašče adnoj škole ŭsio ž vyrašyli zahuhlić adras pošty i zrazumieli, što heta prank.

Bochan padobnym čynam prymušaŭ rasijskich nastaŭnikaŭ nadziavać šapački z folhi dla vyratavańnia ad NATA, składać śpisy školnikaŭ dla adpraŭki ŭ łahiery na pieravychavańnie, ładzić pracesii z vyjavami Ściapana Bandery i Śviatłany Śniažko, pravodzić patryjatyčnyja akcyi pad łozunham «Odin narod, odna nacija, odin praVitiel» u ramkach prahramy «Praca vyzvalaje» ad «Adzinaj Rasii».

Svaje akcyi Bochan nazyvaje daśledavańniem prajaŭ fašyzmu ŭ sučasnaj Rasii, jakija ŭklučajuć biezumoŭnaje padparadkavańnie načalstvu i vykanańnie dziejańniaŭ dziela dziejańniaŭ.

• 6
• 0
• 25
• 12
• 0
• 0
• 0
• 1