Biełaruskim žurnalistam u vyhnańni akaža ščodruju padtrymku Fłandryja
Fłandryja pieradaść 100 000 jeŭra Radzie Jeŭropy dla padtrymki biełaruskich žurnalistaŭ u vyhnańni, «kab jany mahli praciahvać abjektyŭnaje aśviatleńnie padziej i baraćbu z dezynfarmacyjaj». Pra heta ŭ čaćvier paviedamiŭ ministr-prezident Fłandryi Macijas Dypendaele (Matthias Diependaele), piša Reform.news.
Macijas Dypendaele sustreŭsia ź biełaruskaj demakratyčnaj lidarkaj Śviatłanaj Cichanoŭskaj u Brusieli ŭ ramkach Dzion Biełarusi — jeŭrapiejskaj inicyjatyvy, nakiravanaj na pryciahnieńnie ŭvahi da demakratyčnych ruchaŭ i pravoŭ čałavieka ŭ Biełarusi.
«Svabodnyja i niezaležnyja ŚMI žyćciova važnyja dla abarony demakratyčnych kaštoŭnaściaŭ. Dziakujučy hetaj padtrymcy Fłandryja dapamahaje žurnalistam, jakija, znachodziačysia pad vielizarnym ciskam, praciahvajuć pracavać nad abjektyŭnym i nadziejnym aśviatleńniem padziej», — zajaviŭ Dypendaele.
Fłandryja ŭniasie ŭkład u prahramu dziejańniaŭ Savieta Jeŭropy na 2024-2025 hady, jakaja praduhledžvaje navučańnie i apieratyŭnuju padtrymku žurnalistaŭ u vyhnańni.
Fłandryja — adzin z troch rehijonaŭ Bielhii, jaki zajmaje paŭnočnuju častku krainy. Jaho nasielnictva zbolšaha razmaŭlaje na niderłandskaj movie, u adroźnieńnie ad paŭdniovaha rehijona Vałonii, dzie panuje francuzskaja mova.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ23
Kamientary