Ministerstva justycyi ZŠA vystaviła fiederalnyja abvinavačvańni trom asobam, jakija ŭdzielničali ŭ iranskaj zmovie pa zabojstvie Donalda Trampa napiaredadni prezidenckich vybaraŭ.
Zhodna z sudovymi dakumientami, ahienty Korpusa vartavych isłamskaj revalucyi (KVIR) paprasili adnaho z abvinavačanych, Farchada Šakiery, u vieraśni sačyć za Trampam, a potym zabić jaho. Šakiery ŭsio jašče znachodzicca na voli ŭ Iranie, piša CNN.
Prakurory śćviardžajuć, što Šakiery pieršapačatkova atrymaŭ zadańnie ad KVIR ździejśnić inšyja zabojstvy hramadzian ZŠA i Izraila na terytoryi ZŠA. Adnak 7 kastryčnika kuratary daručyli Šakiery zasiarodzicca tolki na Trampie. U jaho było siem dzion, kab raspracavać płan zabojstva na toj momant eks-prezidenta.
Kali b Šakiery nie paśpieŭ raspracavać płan, KVIR źbiraŭsia čakać vynikaŭ prezidenckich vybaraŭ, kab dziejničać dalej, bo ŭ Korpusie ličyli, što Tramp nie pieramoža.
Jašče dva abvinavačanych, hramadzianie ZŠA Karłajł Ryviera i Džonatan Łaudchołt, byli aryštavanyja ŭ Ńju-Jorku i abvinavačvajucca ŭ dapamozie iranskamu ŭradu ŭ sačeńni za asobnym hramadzianinam ZŠA iranskaha pachodžańnia. Jany znachodziacca pad vartaj u čakańni suda.
Hienieralny prakuror Meryk Harłand i dyrektar FBR Krystafier Rej u svaich zajavach asudzili pahrozy z boku iranskaha ŭrada na adras hramadzian ZŠA.
«U śviecie mała hulcoŭ, jakija ŭjaŭlajuć takuju surjoznuju pahrozu nacyjanalnaj biaśpiecy Złučanych Štataŭ, jak Iran. Ministerstva justycyi vystaviła abvinavačańni ahientu iranskaha režymu, jakomu było daručana kiravać sietkaj złačynnych saŭdzielnikaŭ dla sadziejničańnia zmovam Irana z metaj zabojstva jaho celaŭ, uklučajučy abranaha prezidenta Donalda Trampa», — zajaviŭ Harłand.
Urad ZŠA nieadnarazova vykazvaŭ zakłapočanaść, što Iran moža pasprabavać adpomścić za ŭdar dronami ŭ 2020 hodzie, u vyniku jakoha zahinuŭ hienierał Kasiem Sulejmani, vysokapastaŭleny kamandzir KVIR. Śpiecłužby ZŠA ličyli, što Iran pasprabuje zabić Trampa, jaki addaŭ toj zahad, abo jaho byłych daradcaŭ.
Čamu vybarščyki hałasavali za Trampa?
WSJ padzialiłasia detalami płana Trampa nakont vajny va Ukrainie
Sacyjałahičny analiz: chto padtrymaŭ Trampa, a chto — Charys
Prezidenckaja honka ŭ ZŠA radykalna padzialiła maładych žančyn i mužčyn. U kaho jakija pryjarytety?
U Kalifornii pierad mitynham Trampa zatrymali mužčynu z drabavikom i pistaletam
Tramp zapytaŭ dadatkovuju abaronu z-za pahroz Irana
Tramp raskazaŭ, što cudam jaho vyratavała ad kuli
Kamientary