Pa praviłach darožnaha ruchu, jeździć na letnich šynach zabaroniena ad 1 śniežnia da 1 sakavika.
Zhodna z PDR, pierajści na zimovyja pakryški ŭ abaviazkovym paradku treba da 1 śniežnia, ale mnohija aŭtaamatary robiać heta zahadzia. Pa-pieršaje, śnieh i hałalodzica nie čakajuć prychodu kalandarnaj zimy, pa-druhoje, nie treba budzie pravodzić šmat času ŭ čerhach, kali na šynamantaž pajeduć tyja, chto adkładaje ŭsio na apošnija dni.
Minsk
Zamianić čatyry pakryški ŭ Minsku možna pa cenach ad 65 rubloŭ za šyny pamieram R15-R16. Za koły dyjamietram R17-R18 treba budzie zapłacić ad 75 rubloŭ za kamplekt.
Na «TIECHCH Servis», jaki, aproč stancyj u Minsku, maje filijały ŭ Babrujsku, Barysavie, Hrodnie i Mazyry, za 4 pakryški pamieram R14-R16 biaruć 72 rubli. Za R17-R19 — 92 rubli.
Ale vynikovaja suma moža być krychu vyšejšaj, bo ŭ canu mantažu nie ŭvachodzić košt bałansirovačnych hruzikaŭ, što moža pavysić canu na 5-20 rubloŭ.
Tamu treba być hatovymi ahułam zapłacić kala 80 rubloŭ za R15-R16 i kala 100 rubloŭ za R17-R19.
Što ŭ abłasnych haradach?
U Breście zamiena 4 pakryšak na lehkavym aŭto dyjamietram R15-R16 abydziecca ŭ sumu ad 60 rubloŭ. Za R17-R18 — ad 70 rubloŭ. Anałahičnyja ceny na šynamantaž i ŭ Hrodnie.
Jak u susiedziaŭ?
Taksama my pacikavilisia, kolki za tyja samyja pasłuhi płaciać biełarusy, jakija žyvuć u Polščy i Litvie.
U Vilni zamiena 4 pakryšak pamieram da R16 abyjdziecca ŭ 40 jeŭra (kala 140 rubloŭ). Za R17-R18 — 45 jeŭra (kala 160 rubloŭ). U Litvie jeździć na letniaj humie zabaroniena paśla 10 listapada.
Padobnyja ceny i ŭ Polščy. Za mantaž 4 kołaŭ dyjamietram R17-R18 biaruć 200 złotych (kala 165 rubloŭ).
Nahadajem, što za vykarystańnie aŭto z 1 śniežnia pa 1 sakavika na letnich pakryškach praduhledžanaja administracyjnaja adkaznaść, a reštkavaja vyšynia malunka pratektara pavinna być nie mienš za 4 mm.
Na pieršy raz mohuć dać piśmovaje papiaredžańnie abo štraf da 1 bazavaj vieličyni (da 40 rub.). Za paŭtornaje parušeńnie PDR na praciahu hoda — štraf ad 2 da 5 bazavych vieličyń (ad 80 da 200 rubloŭ).
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»22
Kamientary