«Ja nie viarnuś dadomu, Vaŭkałak!». Historyja kachańnia i pieraradžeńnia ŭ novym fentezijnym klipie hurta Irdorath
Paśla dvuch hadoŭ źniavoleńnia ŭ biełaruskaj turmie muzyki hurta viarnulisia da materyjału, kab darabić kampazicyju, napisanuju jašče ŭ 2020 hodzie, i dać joj fentezijnaje vizualnaje ŭvasableńnie.
Pra klip piša vydańnie reform.news.
«Vaŭkałak» heta historyja pra trahičnaje, ale vialikaje kachańnie. Fentezijnuju historyju, raskazanuju ŭ klipie, možna nazvać svojeasablivaj historyjaj pieraradžeńnia muzykantaŭ.
«Pieśnia razvažaje pra ciažki maralny vybar, ciažkija nastupstvy i imknieńnie da čystaha sumleńnia. Liryka, natchnionaja biełaruskim pahanskim mifam pra Vaŭkałaka, istotu, vymušanuju bałansavać na miažy pamiž čałaviečnaściu i dzikaściu, nabyvaje prarockaje adcieńnie», — raspaviadaje hurt pra novy tvor.
«Hetaja historyja, choć i trahičnaja, adlustroŭvaje kachańnie nastolki hłybokaje, što navat śmierć nie moža razarvać jaho — kachańnie, jakoje kirujecca addanaściu, jakaja praciahvajecca ŭ viečnaści, — raspaviadajuć muzyki. — Niahledziačy na ŭsie ciažkaści, Uładzimir i Nadzieja zaviaršyli hety mahutny himn, simvał stojkaści i niazłomnaści duchu ŭ novaj rečaisnaści. Ź viartańniem Irdorath stvaraje admietny i nietradycyjny styl, jaki hłyboka pierahukajecca ź ich sutnaściu, uzbahačany mifičnaj zmročnaj pahanskaj estetykaj biełaruskaj kultury».
Jak padzialiŭsia siabra Irdorath, muzyka Siarhiej Doŭhušaŭ, hierainiu klipa, babulu Stasiu, jakaja ihraje znacharku, znajšli ŭ polskaj vioscy pierasialencaŭ ź Biełarusi.
U 1945 hodzie jana razam z usimi žycharami svajoj vioski apynułasia ŭ vymušanaj emihracyi. Ciapier joj 80, i ŭ videa jana čytaje malitvy i zamovy ŭ tradycyjnym stroi, jakomu ŭžo bolš za 100 hadoŭ.
-
Zinaida Furor, Nasta Kraŭčanka, Hierman Citoŭ: chto zastaŭsia na biełaruskaj estradzie paśla čystak?
-
«Najhoršy kancert u maim žyćci»: biełaruska paskardziłasia na vystup «Ivanušak» u Minsku i nabrała 2 miljony prahladaŭ
-
Premija MTV: tryumf Tejłar Śvift i emacyjnaja pramova Ryty Ory ab udzielniku One Direction
Były aficer, vyžyŭ u strašnym bai. Chto toj kalinoviec Vieramiejčyk, jakoha Vjetnam addaŭ biełaruskamu KDB?32
Kamientary
To kali i my tvorym dla siabie i pra svajo, a sami žyviem siarod jeŭrapiejskich narodaŭ, u jeŭrapiejskim kantekście, to i tvorčaść naša budzie ŭ kantekście i na ŭzroŭni. Nam jość pra što skazać i pra što zadumacca. Kali ž, jak ŭ Rasiei, abmiažujemsia biezvychodnaściu "maleńkaha čałavieka" i kradziažom načalstva, to staniemsia katastrafičnymi pravincyjałami, viečnymi łuzierami, jak nam i było prapanavana stać ŭ SSSR.