U Vilejskim rajonie źbirali hrošy na restaŭracyju staradaŭniaj carkvy. U vyniku ź jaje prosta vykinuli ŭsio staroje
Histaryčnyja dźviery jak niepatrebnyja prosta addali majstru ŭ padziaku za jaho pracu ŭ carkvie.
Źniščeńnie histaryčnaha pomnika zaŭvažyli ŭ telehram-kanale «Spadčyna».
U 2021 hodzie Śviata-Mikałajeŭskaja carkva ŭ vioscy Łatyhal adznačała svoj 250-hadovy jubilej. Budynak struchleŭ i patrabavaŭ kapitalnaha ramontu. U suviazi z hetym śviatar Andrej Hromaŭ abjaviŭ zbor srodkaŭ na ramontna-restaŭracyjnyja raboty.
Jak śćviardžałasia, usia nieabchodnaja dakumientacyja dla praviadzieńnia ramontna-restaŭracyjnych rabot u prychoda ŭžo była, i ŭsie ŭzhadnieńni praviedzieny.
Aktyvisty spadziavalisia, što ŭ čas rabot adnoviać baročny franton, jaki carkva mieła jašče ŭ pačatku XX stahodździa. Ale ŭ prychoda byli zusim inšyja płany.
Kapitalny ramont chrama pačaŭsia ŭ lipieni 2023 hodzie. Z budynka była źniataja histaryčnaja šaloŭka, kab adramantavać zrub, zamianiŭšy sparachniełyja častki.
Ale niepatrebnymi śviataru akazalisia i staryja carkoŭnyja dźviery. Letaś ź Śviata-Mikałajeŭskaj carkvy vykinuli bakavyja dźviery. Dźviery byli ašalavany masiŭnymi doškami, pleški starych ćvikoŭ stvarali na ich prosty ŭzor, aŭtentyčnaj była i kavanaja ručka z klamkaj.
Zamiest ich źjavilisia całkam novyja dźviery, ababityja zvyčajnymi doškami, na zvyčajnych ćvikach i z sučasnaj ručkaj, mietał jakoj byŭ admysłova sastarany, ale jana nie maje ničoha ahulnaha z histaryčnaściu.
Ciapier stała viadoma, što z carkvy vykidajuć i staryja ŭvachodnyja dźviery, jakija nie mienš za stahodździe ŭpryhožvali jaje. Dźviery z rambičnaj šaloŭkaj dobra bačnyja na zdymku pačatku XX stahodździa. Dźviery prosta addali ludziam — pra heta aktyvisty vypadkova daviedalisia z sacsietak.
U akaŭncie siamji, jakaja ŭdzielničała ŭ ramoncie ŭ carkvie, źjavilisia storyz, u jakim para pachvalilisia tym, što raptam stała ŭładalnikami carkoŭnych dźviarej XVIII stahodździa z Łatyhalskaj carkvy. Ich mužu padaryŭ baciuška za jahonuju pracu.
Aktyvisty aburylisia tym, što historyka-kulturnuju kaštoŭnaść respublikanskaha značeńnia ŭ Biełarusi možna prosta razdaryć ludziam. Jany spadziajucca, što pakolki viadomyja tyja, chto atrymaŭ niezvyčajny padarunak, uvachodnyja dźviery možna budzie viarnuć na histaryčnaje miesca. Los bakavych dźviarej nieviadomy.
Siońnia ramont na carkvie ŭžo zavieršany, jana pafarbavany ŭ novyja zialonyja kolery. Zamiest starych uvachodnych dźviarej stajać novyja, ašalavanyja vuzkimi doškami, vykinuty staryja akonnyja lištvy, za toje zamiest ich źjavilisia vydumanyja sandryki (frantončyki nad voknami), jakich nikoli nie było. Nikoli nie było i novaha naviesa, uźviedzienaha pierad carkvoj.
«Naša Niva» — bastyjon biełaruščyny
PADTRYMAĆU viežy Ščytoŭka Navahradskaha zamka źbirajucca zrabić muziej
U Biełarusi pradajuć budynki siadziby rodu VKŁ, dzie ŭ svoj čas pracavaŭ nastaŭnikam Janka Kupała. Kolki prosiać?
Jak vyhladaje suśvietna viadomaja jaŭrejskaja sieminaryja ŭ Vałožynie paśla restaŭracyi — šmat FOTA
Pravasłaŭny prychod u Słonimie pakarajuć za niezakonna pieramalavany chram XVII stahodździa
«Jašče 10 čałaviek pajechali». Jak kašmaryli Hrodna padčas apošniaj abłavy1
Kamientary
Hetyja aktyvisty niejkaje kazačnaje zło i niadola. Nu, nia tolki hetyja, ale ŭsie padobnyja zmahačy za kiravańnie čužym pad vyhladam apieki nad histaryčnaj spadčynaj.
Nasamreč haspadar carkvy, śviatar, padaryŭ dziejnym parafijanam, jakija dapamahajuć, biaruć ŭdzieł ŭ žyćci carkvy.
A sacyjalisty z kanału jašče i spadziajucca abrabavać viernikaŭ - viarnuć (sparachniełuju) bramu nazad.
Vuścišna, kaniešnie.
Ideja ž i mara kamsamolskaja ŭ tym, kam instytuizavacca ministerstvam ci viedamstvam tak zvanaje achovy histaryčnaje spadčyny (ci padobna abzavucca) i davać prymusovy arbitraž, da jakoho ludzi musiać źviartacca pierš nich niešta rabić sa svajoj nieruchomaj ŭłasnaściu.
Sparalizujuć haspadarčuju dziejnaść i nasmokčucca karupcyjnych vypłataŭ za dazvoły takoha prymusovaha arbitražu.
Zrešty, ŭ padłukašenak i samych jość viedamstva hetkaha arbitražu i kamsamolcaŭ z TH kanału Spadčyna ŭ jaho nie biaruć