U Mahilovie staršynia tavarystvaŭ ułaśnikaŭ zrabiŭ hrudzi žoncy i paluboŭnicy za hrošy, jakija źbirali na kapitalny ramont
Rešta pajšła na pakupku dvuch aŭtamabilaŭ.
Pra heta BIEŁTA raskazaŭ načalnik upraŭleńnia kantrolu žyllova-kamunalnaj haspadarki KDK Uładzimir Bondar.
Mužčyna kiravaŭ adrazu siamiu tavarystvaŭ ułaśnikaŭ u Mahilovie. Sabranyja žycharami hrošy na kapitalny ramont jon jašče ŭ 2023 hodzie patraciŭ na płastyčnyja apieracyi pa pavieličeńni hrudziej dla lubimych žančyn i pakupku dvuch aŭtamabilaŭ.
Dakładnaja suma, jakuju vydatkavaŭ na asabistyja patreby staršynia tavarystvaŭ ułaśnikaŭ, nie nazyvajecca. Adnak supracoŭnik KDK udakładniŭ, što kali ŭładalnik kožnaj kvatery, pieraličvaje štomiesiac kala 10 rubloŭ na kapramont, a ŭ domie 100 kvater, to na rachunkach siami damoŭ za 12 miesiacaŭ mahło sabracca kala 84 tysiač rubloŭ, a za niekalki hadoŭ — užo značnaja suma.
«I heta tolki adzin vypadak, pryčym jon vybivajecca z šerahu. Ale fakty niametavaha vykarystańnia srodkaŭ, jakija adličvajucca na kapitalny ramont, nie adzinkavyja.
U lepšym vypadku hrošy išli na biahučy ramont doma abo dobraŭparadkavańnie terytoryi, kuplu drukarak, bienzakos i tamu padobnaha, nieabchodnych dla ŭtrymańnia prydamavoj terytoryi. Adnak da času kapramontu rachunki niekatorych MS akazvalisia «vytrybušanymi». U toj ža čas u krainie dola biudžetnych srodkaŭ u finansavańni kapitalnaha ramontu žylla składaje kala 60 pracentaŭ», — padkreśliŭ Uładzimir Bondar.
Hniłoje, zatoje niadoraha. Jak papuliscki ŭkaz Łukašenki ab abmiežavańni nacenki ŭpłyvaje na ŭsich udzielnikaŭ łancužka pastavak harodniny5
Kamientary
"Začiem ponadobiłoś vniesti iźmienienija v zakonodatielstvo o rabotie tovariŝiestv sobstvieńnikov".
A ŭvohule tam pra toje, čamu hrošy ŭłaśnikaŭ na kapramont lepš addavać (daryć) na rachunki vykankamaŭ.
I pra toje, jak ułady zaraz mohuć jašče praściej davić na niepasłuchmianyja tavarystvy, heta značyć, rabić ich uvohule častkaj uładnaj viertykali.
Anałahičnyja, abo horšyja techničnyja i arhanizacyjnyja prablemy ŭ damach ŽES prapahanda zamoŭčvaje.
Reforma zakanadaŭstva pa Tavarystvach Ułaśnikaŭ prajšła ŭ 2023 h. jak pomsta tym damam, jakija pieraškadžali ŭładzie ŭ 2020-m svaimi ściahami, dvarovymi mierapryjemstvami, čatami, salidarnaściu.
Na žal, prajšła amal bieź infarmavańnia ŭ našych ("ekstremisckich") ŚMI.
I zaraz soramna, što ŭ navinach pra čarhovy razhrom hramadskich supołak u Biełarusi Naša Niva i Zierkało bačać tolki manipulatyŭnyja arhumienty pra hrudzi. Za žaŭciznu, nie da palityki.
štučnyja cycki peŭna chacieŭ mužyk