U Rasii aryštavali niamieckaha režysiora, jaki rabiŭ zdymki dla svajho novaha filma
U Smalenskaj vobłaści 24 žniŭnia zatrymali 66-hadovaha režysiora i piśmieńnika, hramadzianina Hiermanii Andreja Niakrasava, jaki zdymaŭ novy film pra Rasiju. Pra heta piša Deutsche Welle.
Zatrymańnie pravodzili supracoŭniki FSB u cyvilnym, jakija śćviardžali, što mužčyna nibyta vioŭ zdymki kala budynka śpiecsłužby. Režysiora abvinavacili ŭ «niezakonnaj prafiesijnaj dziejnaści» i aryštavali na 90 sutak. Ciapier jon znachodzicca ŭ centry časovaha ŭtrymańnia zamiežnikaŭ.
Pa słovach Niakrasava, jon nie viedaŭ, što pobač ź miescam zdymki znachodzicca budynak FSB, ale sud nie pryniaŭ heta da ŭvahi. Mužčyna aścierahajecca, što termin jaho ŭtrymańnia pad aryštam mohuć praciahnuć.
«Sudździa vynies niepraparcyjnaje rašeńnie, jakomu ździvilisia navat niekatoryja pradstaŭniki ŭłady. Kazali, što najhoršaje ŭ takich vypadkach — heta «dobraachvotnaje vydvareńnie», — skazaŭ Andrej Niakrasaŭ.
Niakrasava mahli pryciahnuć pa art. 18.10 KaAP za niezakonnaje ažyćciaŭleńnie pracoŭnaj dziejnaści ŭ Rasii. 90 sutak aryštu pryznačajuć dla taho, kab prystavy mahli nabyć kvitki na transpart i pravieści vydvareńnie z zabaronaj na ŭjezd u Rasiju.
Andrej Niakrasaŭ naradziŭsia ŭ Sankt-Pieciarburhu, ale jašče ŭ 1970-ja hady emihravaŭ u Hiermaniju. Jon zdymaŭ filmy pra atručvańnie byłoha supracoŭnika FSB Alaksandra Litvinienki ŭ Łondanie, śmierć Siarhieja Mahnickaha ŭ rasijskim SIZA, vajnu ŭ Čačni i rasijska-hruzinskuju vajnu.
Jon źjaŭlajecca hramadzianinam Hiermanii i nie maje inšaha hramadzianstva. Ź im užo źviazaŭsia pradstaŭnik niamieckaha pasolstva ŭ Rasii.
«Biespardonna hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach3
Kamientary