U Maładziečnie ŭručyli klučy ad arendnych kvater siemjam 19 supracoŭnikaŭ rajadździeła Departamienta achovy MUS.
Novy dom, dzie razdali kvatery siłavikam, znachodzicca ŭ Kupałaŭskim mikrarajonie. Na cyrymonii ŭručeńnia klučoŭ byli načalnik departamienta MUS hienierał-major milicyi Alaksandr Šepieleŭ i načalnik Minskaha abłasnoha ŭpraŭleńnia Departamienta achovy MUS pałkoŭnik milicyi Siarhiej Jermałovič, paviedamlaje kraj.by.
«Dla kožnaha z vas heta znakavaja padzieja. Dziaržava kłapocicca pra vajskoŭcaŭ supracoŭnikaŭ milicyi, jakija, nie ličačysia z asabistym časam, vykonvajuć pastaŭlenyja zadačy dla hramadskaj biaśpieki krainy», — pavinšavaŭ siłavikoŭ Šepieleŭ.
Supracoŭniki atrymali dvuchpakajovyja arejednyja kvatery. Siarod navasiołaŭ jość jak siemji ź dziećmi, tak i maładyja pary.
Adzin ź ich — milicyjant hrupy zatrymańnia Aleh Fiadźko, jon słužyć bolš za 5 hadoŭ. Maładziečanski adździeł Departamienta achovy MUS jaho pieršaje miesca pracy. Z žonkaj Ksienijaj jany žyli ŭ internacie, ciapier stali ŭładalnikami vialikaj dvuchpakajoŭki ŭ novym mikrarajonie.
Paśla ŭručeńnia klučoŭ dla milicyjantaŭ zładzili kancert.
Kamientary