Padatkovaja budzie pa-novamu rassyłać paviedamleńni — voś što źmienicca ŭ apłacie
Biełarusam upieršyniu pryjduć paviedamleńni ab adzinym majomasnym płaciažy. Ich adpraviać pa pošcie, a tyja, u kaho jość asabisty kabiniet na sajcie Ministerstva pa padatkach i zborach, atrymajuć taksama elektronnuju viersiju, nahadvaje «Anłajnier».
Sioleta padatkaviki buduć rassyłać paviedamleńni pra adziny majomasny płaciož dva miesiacy — z 1 žniŭnia da 1 kastryčnika (raniej byli terminy da 1 vieraśnia). Ich atrymajuć 3,5 młn biełarusaŭ.
Adziny majomasny płaciož — heta nie novy padatak, a sposab vypłaty troch majomasnych padatkaŭ (na nieruchomaść, ziamielnaha i transpartnaha). Ciapier usie try vidy padatkaŭ buduć u adnym paviedamleńni, a nie ŭ roznych, jak raniej.
Heta zroblena ŭ pieršuju čarhu dla zručnaści płacielščykaŭ, rastłumačyŭ na pres-kanfierencyi načalnik hałoŭnaha ŭpraŭleńnia padatkaabkładańnia fizičnych asob Ministerstva pa padatkach i zborach Andrej Kavaleŭski.
«Nie treba, jak niekalki hadoŭ tamu, atrymlivać niekalki paviedamleńniaŭ ad roznych rajonnych inśpiekcyj: adno za kvateru ŭ Minsku, inšaje za lecišča ŭ Puchavičach… Płacielščyki adrazu bačać u adnym paviedamleńni ŭsie abjekty padatkaabkładańnia, raźlik padatku pa kožnym abjekcie i ahulnuju sumu da vypłaty», — skazaŭ pradstaŭnik ministerstva.
Pavodle jaho słoŭ, raniej u ARIP treba było apłačvać kožny padatak asobna, i pieryjadyčna ludzi apłačvali padatki nie tudy.
«Ciapier płaciož vypłačvajecca adnoj sumaj. Heta nie značyć, što, atrymaŭšy paviedamleńnie, vy pavinny apłacić razava ŭsiu sumu. Jak i raniej, padatki, možna płacić častkami,
— padkreśliŭ Kavaleŭski. — Vielmi zručna, što naładžana ŭzajemadziejańnie z ARIP: kali płacielščyk atrymaŭ paviedamleńnie, naprykład, na sumu 100 rubloŭ pa ŭsich troch padatkach, jon siońnia moža apłacić 10 rubloŭ, litaralna praz chvilinu, zajšoŭšy ŭ ARIP paŭtorna, jon užo ŭbačyć reštu zapazyčanaści».
Kali ŭ čałavieka jość jakija-niebudź ilhoty na vypłatu padatku na nieruchomaść, ziamielnaha abo transpartnaha padatkaŭ, to heta ŭžo budzie adlustravana ŭ paviedamleńni. Samastojna raźličvać ničoha nie treba, u padatkovuju varta źviarnucca, tolki kali vy zaŭvažyli pamyłku ci niaŭličanuju lhotu.
Zapłacić padatki treba, jak heta było i raniej, da 15 listapada, dalej pačnie kapać pienia.
Kitaj paprasiŭ Biełaruś narmalizavać adnosiny z Polščaj — krynica6
Kamientary