Kruks, jaki zrabiŭ zamach na Donalda Trampa, płanavaŭ napad i na člena brytanskaj karaleŭskaj siamji
20-hadovy Tomas Mećju Kruks byŭ zastreleny ahientami Sakretnaj słužby 13 lipienia — adrazu paśla taho, jak jon adkryŭ stralbu pa kandydacie ŭ prezidenty ZŠA Donaldu Trampu padčas pieradvybarčaha mitynhu ŭ Piensilvanii. Ciapier FBR apublikavała spravazdaču, u adpaviednaści ź jakoj na prycele ŭ strałka byŭ u tym liku i člen brytanskaj karaleŭskaj siamji, piša Bild.
![](http://d3kcf2pe5t7rrb.cloudfront.net/img/w840d4webp1/photos/z_2024_07/the_prime_minister_attends_d-day_80th_anniversary_53771734345-l00b8.jpg.webp)
Pavodle danych vydańnia The Mirror, rasśledavańnie amierykanskaha ahienctva biaśpieki zaśviedčyła, što pierad śmierciu Kruks šukaŭ u Internecie nienazvanaha člena brytanskaj karaleŭskaj siamji ŭ jakaści jašče adnoj mahčymaj celi dla zamachu.
Pavodle spravazdačy FBR, Kruks taksama šukaŭ infarmacyju pra amierykanskich vysokapastaŭlenych asob, uklučajučy dyrektara FBR Krystafiera Reja i hienieralnaha prakurora ZŠA Meryka Harłanda. Akramia taho, śledčyja vyjavili na pryładach Kruksa fatahrafii Džo Bajdena i Donalda Trampa, a taksama natatki z datami majučych adbycca mitynhaŭ.
Matyŭ zamachu na Trampa pakul što zastajecca niezrazumiełym, niahledziačy na toje što FBR uzłamała telefon Kruksa, abšukała jaho dom, pravieryła jahony kampjutar i apytała bolš za 100 čałaviek.
Viadoma tolki, što za niekalki dzion da zamachu Kruks napisaŭ na adnym z hulniavych sajtaŭ: «13 lipienia budzie maim debiutam, hladzicie, jak heta budzie adbyvacca».
Zamach na Donalda Trampa płanavaŭ Iran — CNN
Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask
U mašynie chłopca, što stralaŭ u Trampa, znajšli vybuchoŭku
«Ja nienavidžu respublikancaŭ, ja nienavidžu Trampa». U sacsietkach virusicca fejkavaje videa ad nibyta strałka ŭ Trampa
Chłopiec, što stralaŭ u Trampa, byŭ respublikancam
FBR nazvała imia taho, chto stralaŭ u Trampa
Kamientary