«Ja nie pjany, ja tolki pačaŭ». U Hrodnie AMAP stralaŭ u mužčynu z nažom
Mužčyna staŭ pahražać siłavikam nažom i narvaŭsia na hrupu zachopu.
U Hrodnie hrupa zachopu ŭ poŭnym abmundziravańni zatrymlivała pjanaha mužčynu z nažom.
U milicyju patelefanavali žychary pasiołka «Paŭdniovy»: jany paviedamili, što 52-hadovy mužčyna pavodzić siabie nieadekvatna i prystaje da ludziej. Miarkujučy pa videa, jon siadzieŭ kala svajho doma i piŭ ałkahol.
Kali na miesca prybyli milicyjaniery, mužčyna, jak paviedamlajecca, pačaŭ pahražać im nažom. Tady siłaviki vyklikali padmacavańnie — bajcoŭ AMAP.
Tyja prybyli na miesca ŭ poŭnaj ekipiroŭcy. U milicyjanieraŭ i mužčyny zaviazaŭsia dyjałoh. Siłaviki zaŭvažyli, što haradzieniec pjany, na što toj adkazaŭ: «Ja nie pjany. Ja tolki pačynaju».
Na videa, jakoje apublikavała MUS, vidać, što mužčyna staić z nažom u ruce na hanku svajho doma i pahražaje siłavikam pierarezać kamuści horła. Paśla hetaha jon pačaŭ ruchacca ŭ bok hrupy zachopu, i milicyjaniery adkryli ahoń pa nahach humovymi kulami.
Mužčyna, niahledziačy na ranieńni, nie ŭpaŭ — jon praciahnuŭ stajać i maciukać siłavikoŭ. Ale ŭ vyniku jaho ŭhavaryli kinuć nož, kab možna było pieraviazać rany.
Paviedamlajecca, što mužčyna ŭ 2019 hodzie byŭ sudzimy za «naŭmysnaje pryčynieńnie mienš ciažkaha cialesnaha paškodžańnia». Nieadnarazova pryciahvaŭsia da administracyjnaj adkaznaści, nakiroŭvaŭsia na prymusovaje lačeńnie ad ałkahalizmu ŭ lačebna-pracoŭny prafiłaktoryj.
Siłaviki raskazali, jak im udałosia znajści abvinavačanaha ŭ žorstkim zabojstvie ŭ Sierabrancy
Akramia niemca Kryhiera, da śmiarotnaha pakarańnia ŭ postsavieckaj Biełarusi prysudzili jašče 12 inšaziemcaŭ. Ale jość niuansy
«Vušami ŭ nas nie kormiać». Bondarava ciapier vajuje ź dziećmi: pahražaje im prastralanymi kaleniami i HUBAZiKam
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca1
Kamientary