Litoŭskija pamiežniki nie puścili biełarusa ŭ Biełaruś. Jak tak vyjšła?
Hramadzianin Biełarusi na Renault chacieŭ viarnucca na radzimu praz punkt propusku «Miedniki». Ale jamu daviałosia zatrymacca ŭ Litvie.
![](http://d3kcf2pe5t7rrb.cloudfront.net/img/w840d4webp1/photos/z_2024_07/1-iylku.jpg.webp)
Litoŭskija pamiežniki ŭ punkcie propusku «Miedniki» zatrymali maładoha biełarusa, jaki jechaŭ u Biełaruś na Renault Megane Scenic ź biełaruskimi numarami. Pry praviercy dakumientaŭ pamiežniki zapadozryli, što mužčyna znachodzicca ŭ stanie ałkaholnaha apjanieńnia.
Ad kiroŭcy drenna pachła, jon ź ciažkaściu razmaŭlaŭ i drenna aryjentavaŭsia ŭ prastory, paviedamili ŭ pamiežnaj słužbie Litvy.
Pravierka na ałkatestery pakazała siaredniuju stupień ałkaholnaha apjanieńnia — na pieršym ŭdychu 2,20 pramile, na druhim — 2,16.
Pamiežniki pieradali biełarusa i jahony aŭtamabil palicyjantam. Mužčynu pahražaje kryminałka: štraf, pazbaŭleńnie pravoŭ i mahčymaja kanfiskacyja aŭto.
Kamientary