Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi
I faktyčna samym maładym futbalistam u śviecie.
![](http://d3kcf2pe5t7rrb.cloudfront.net/img/w840d4webp1/photos/z_2024_07/sullivan240718-qnq7f.jpg.webp)
Paŭabaronca «Fiładelfii Junijon» Kavan Salivan debiutavaŭ u paŭnočnaamierykanskaj Hałoŭnaj futbolnaj lizie (MLS) va ŭzroście 14 hadoŭ i 293 dni, pabiŭšy rekord lihi, paviedamlaje sajt MLS.
Chłopiec vyjšaŭ na zamienu na 85-j chvilinie ŭ matčy suprać «Ńju-Inhłend Revalušn» (5:1). Salivan staŭ samym maładym hulcom u historyi MLS, jon palepšyŭ dasiahnieńnie Fredzi Adu, jaki ŭ krasaviku 2004 hoda hulaŭ va ŭzroście 14 hadoŭ i 306 dzion za «Dy Si Junajted» (Vašynhton).
Brotherly love
Cavan and Quinn Sullivan after sharing the field together for the first time with @PhilaUnion in MLS. pic.twitter.com/pJ1WaRYTjx
Akramia taho, Salivan staŭ samym maładym hulcom, jaki kali-niebudź hulaŭ u prafiesijnych lihach Paŭnočnaj Amieryki.
Raniej amierykanskija ŚMI paviedamlali, što junakom zacikaviŭsia «Mančester Sici». Jon pavinien dałučycca da anhliskaha kłuba, kali jamu spoŭnicca 18 hadoŭ.
Toj ža Łamin Jamal debiutavaŭ u składzie «Barsiełony» va ŭzroście 15 hadoŭ 290 dzion.
U anhlijskaj premjer-lizie rekord naležyć Itanu Nvaniery z «Arsienała», jaki debiutavaŭ va ŭzroście 15 hadoŭ i 180 dzion u vieraśni 2022 hoda, ale paśla hetaha pravioŭ tolki adzin matč za darosłuju kamandu.
U historyi samym maładym u prafiesijnym futbole ličycca Maŭrysia Baldyŭjesa, jaki ŭ 2009 hodzie vyjšaŭ na pole ŭ składzie balivijskaj «Aŭrory», kali jamu było 12 hadoŭ i 362 dni (za try dni da 13-hodździa). U kamandy było šmat traŭmavanych, i jaho baćka — trenier kamandy — vypuściŭ syna na zamienu. Chłopčyk traŭmavaŭsia ŭ tym ža matčy i potym doŭha nie hulaŭ, viarnuŭšysia faktyčna ŭ vialiki futboł u 16 hod.
Kamientary