U akciora byli i inšyja surjoznyja prablemy sa zdaroŭjem — jon pieranios sardečny prystup, a taksama insult.
Akcior, režysior i scenaryst Ježy Štur (Jerzy Stuhr) pamior va ŭzroście 77 hadoŭ, paviedamlaje Polskaje radyjo.
Ježy Štur byŭ adnym z samych roznabakovych polskich artystaŭ, zdolnych jak na dramatyčny, tak i ŭ kamiedyjny repiertuar.
U tym liku jon syhraŭ u filmie «Amatar» Kšyštafa Kieśleŭskaha i rolu Maksa ŭ «Seks-misii» Julijuša Machulskaha.
Na postsavieckaj prastory jon viadomy pa roli ŭ kamiedyi «Dežaviu» (1989, režysior Julijuš Machulski) pra toje, jak u Adesu 1920-ch pryjazdžaje čyhahski hanster Džon Połak, jaki traplaje ŭ roznyja niedarečnyja i śmiešnyja situacyi.
U 2012 hodzie akcior abviaściŭ, što pieramoh rak hartani, jaki ŭ jaho vyjavili hodam raniej. Paśla chvaroby jon pačaŭ aktyŭna dapamahać inšym ankałahičnym chvorym i ŭdzielničać u sacyjalnych kampanijach pa prafiłaktycy raku.
U akciora byli i inšyja surjoznyja prablemy sa zdaroŭjem — jon pieranios sardečny prystup, a taksama insult.
«Ježy Štur byŭ adnym z najvybitniejšych polskich aktoraŭ kino i teatru(…) My raźvitvajemsia ź im ź vialikim žalem, ale taksama z udziačnaściu za jaho vielizarny ŭkład u polskuju kulturu» — napisała Ministerstva kultury i nacyjanalnaj spadčyny na płatformie X.
-
Artykuł pra chaładnik u amierykanskim ŚMI pierasvaryŭ litoŭcaŭ i palakaŭ. U dyskusiju ŭklučylisia i biełarusy
-
«Ja kazała, što heta sabaka». Pamiatajecie pra barana, jakoha abmiarkoŭvaje ŭsia Polšča? Jaho historyju raskazała haspadynia
-
U Rasii pažanilisia pravasłaŭny biznesoviec i dziciačaja ambudsmienka. Jon sponsar «Ruskaj viasny», na jaje vydali mižnarodny ordar
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2121
Kamientary
Ale taksama byŭ vielmi papularny film Novyja amazonki. Tam my jaho pabačyli raniej za Dežaviu
[Novyja amazonki heta nazva ŭ savieckim prakacie, aryhinalnaja nazva -- Seks-misija -- veb-redaktar]
U akciora byli i inšyja surjoznyja prablemy sa zdaroŭjem… “