Krambł z revieniem — napraŭdu cudoŭny, adzin z samych prostych i smačnych desiertaŭ. Usio, viadoma, dziakujučy spałučeńniu kisłaha z sałodkim. Sałodki, chrabustki piasočny słoj, a pad im — kisła-sałodkaja sumieś z revieniu i kłubnic.
Fota: dietomix.pl
Spatrebicca (na 4 porcyi):
Piasočny słoj:
- 150 h pšaničnaj muki
- 100 h chałodnaha masła
- 50 h cukru
- 2 čajnyja łyžki vanilnaha cukru
Jak hatavać:
- Pryhatujcie piasočny słoj. Miašajcie muku, chałodnaje masła (narezanaje nievialikimi kavałačkami) i dva vidy cukru da atrymańnia kroški. Adkładzicie ŭbok.
- Vymyjcie revień, abrežcie kancy i narežcie na kavałački taŭščynioj kala 1 sm (revień nie treba čyścić).
- Kłubnicy vymyjcie, absušycie i razatrycie. Bujnyja kłubnicy razrežcie na čvertki, a maleńkija — napałovu.
- U miscy źmiašajcie revień, kłubnicy i cukar. Pierakładzicie ŭ ciepłatryvałuju formu. Pasypcie kroškaj.
- Vypiakajcie ŭ papiarednie razahretaj duchoŭcy, pakul kroška nie padrumianicca, kala 45 chvilin pry tempieratury 180°C.
- Padavajcie lepš za ŭsio ciopłym, z šarykam vanilnaha marožanaha ci ŭźbitymi viarškami.
Cichanoŭskaja: Pierapryznačeńnie Łukašenki nie maje nijakaha ŭpłyvu na maju dalejšuju pracu9
Kamientary