Budaŭničyja raboty pa ŭźviadzieńni haradka pačalisia ŭ Homielskim rajonie. Heta vynikaje z raźmieščanaj dziaržzakupki, jakuju zaŭvažyŭ Fłahštok.
Zhodna z tendaram, abvieščanym Homielskim domabudaŭničym kambinatam pa pošuku padradčyka, u listapadzie pavinny byli pačacca raboty pa budaŭnictvie na terytoryi budučaha vajskovaha haradka stałovaj na 680 pasadačnych miescaŭ.
Hetyja raboty płanujuć zaviaršyć da 31 sakavika 2026 hoda, na ich budzie vydzielena z ułasnych srodkaŭ pradpryjemstva 13,2 młn rubloŭ (kala 3,7 młn dalaraŭ pa ciapierašnim kursie).
Zhodna ź inšymi tendarami, jašče adny pracy startujuć u najbližejšyja dni — z 16 śniežnia pavinna pačacca budaŭnictva vajskovaj łaźni na 50 dušavych sietak (na heta sydzie 3,6 młn rubloŭ abo blizu 1 młn dalaraŭ). A taksama — padstancyi 110/10kV z zachodami pavietranaj linii elektrapieradač 110 kV. padstancyja abyjdziecca ŭ 12,5 młn rubloŭ (3,5 młn dalaraŭ).
Nazvanyja raboty pavinny skončycca chutčej — da 30 žniŭnia i da 24 kastryčnika 2025 hoda adpaviedna.
Vajskovy haradok budzie raźmieščany ŭ Homielskim rajonie pablizu ŭročyšča Prybor na skryžavańni aŭtamahistralaŭ M-8 i M-10.
-
Valfovič pra «vajenna-palityčnaje stanovišča vakoł Biełarusi»: Situacyja nahniatajecca, tendencyi niesuciašalnyja
-
Łosik schudnieŭ, Pačobut «trymaje marku», Alaksandraŭ «vyjazdžaje» na pazityvie. Što z palitźniavolenymi žurnalistami z PK-1
-
Łukašenka: Biełarusy ničym nie adroźnivajucca ad ludziej, jakija naradzilisia ŭ Pskovie ci Leninhradzie
«Joj było vielmi drenna apošnim časam». Znajomyja pra Śviatłanu Krucikavu, jakaja skončyła žyćcio samahubstvam paśla cisku milicyi3
Kamientary