U Kamianieckim rajonie ŭ poli znajšli pareštki rasstralanaha čałavieka
Žychar Kamianieckaha rajona, pracujučy ŭ poli, znajšoŭ pareštki rasstralanaha i pachavanaha čałavieka, raskazali ŭ Dziaržaŭnym kamitecie sudovych ekśpiertyz.
Pablizu vioski Radzievičy viaskoviec, pracujučy ŭ poli, znajšoŭ kaścianyja astanki čałavieka, a pobač — patrony, hilzy i frahmienty asabistych rečaŭ. Mužčyna paviedamiŭ pra znachodku ŭ milicyju.
U ramkach rasśledavańnia byli pryznačanyja miedyka-kryminalistyčnaja i balistyčnaja ekśpiertyzy, jakija zaśviedčyli, što daŭnina pachavańnia kaścianych pareštkaŭ składaje kala 70-80 hadoŭ. Naležać jany adnamu čałavieku.
Znojdzienyja na miescy 48 vintovačnych patronaŭ byli vyrablenyja zavodskim sposabam dla ručnoj naraznoj ahniastrelnaj zbroi. Ich vykarystoŭvali pry stralbie ź vintoŭki Mosina, kulamiotaŭ Dziehciarova i Kałašnikava. Za praminułyja hady ŭsie patrony mocna paržavieli.
Miascovyja žychary raskazali, što raniej na miescy vyjaŭleńnia pachavańnia raźmiaščaŭsia chutar.
Kamientary