Usiaho patrochu1313

Ad 35 rubloŭ za bukiet la Kamaroŭki da niekalkich socień u kramie: kolki kaštujuć pivoni ŭ siezon. I čamu tak doraha?

U tyktoku minčanka aburyłasia, što babuli la Kamaroŭki pradajuć pivoni pa 35 rubloŭ za bukiet. Pahladzieli, kolki kaštujuć hetyja kvietki ŭ roznych miescach, a taksama spytali ŭ fłarysta, čym abumoŭleny vysokija ceny.

Fota z sajtu kvetku.by

Kali vas uraziŭ košt pivoń u babul na vulicach Minska, to na sajty bukieteryj lepš nie zachodzić. Naprykład, u anłajn-kramie cvetok.by pivoni pradajuć ad 20 rubloŭ za štuku da 305 rubloŭ za bukiet z 9 štuk.

@me_alexiasheba

♬ orihinalnyj zvuk - Alexia Sheba

A flowwow.by, naprykład, prapanoŭvajuć z dastaŭkaj bukiet z 25 pivoń sortu «Sara Biernar» za 772 rubli.

Na sajcie kvetku.by tearetyčna možna zamović navat bukiet sa 101 pivoni — praŭda, kaštavać heta budzie 3060 rubloŭ (za ružovyja kvietki) ci 3180 rubloŭ (za biełyja).

Skrynšot sajtu kvetku.by

Bolš tannyja varyjanty možna adšukać na «Kufary». Naprykład, fłarystka ź Minska prapanoŭvaje 13 pivonij u skryncy za 70 rubloŭ. Jość i biudžetnyja prapanovy ad tych, chto sam vyroščvaje krychu kvietak na leciščy ci navat u stalicy ŭ pryvatnym siektary. U apošnim vypadku možna nie chvalavacca za śviežaść pivoń, bo abiacajuć zrezać z kusta pry pakupniku tyja kvietki, jakija spadabajucca. Tyja, chto maje šmat raskošnych kustoŭ, časam kažuć, što dazvolać u ich pafatahrafavacca.

Skrynšot abjavy na «Kufary»

«Na zrez» pivoni prapanoŭvajuć u siarednim pa 2-4 rubli za štuku. Ale jość prapanovy bolš darahich sartoŭ — naprykład, za adnu pivoniu «Sara Biernar» prosiać 8 rubloŭ. Niekatoryja pradaŭcy hatovyja zaharnuć bukiet u kraftavuju papieru abo pieraviazać stužačkaj. Niechta paznačaje, što moža dastavić kvietki zamoŭcy. A niechta addaje pivoni pa śmiešnych cenach (naprykład, za bukiet z 15 kvietak aŭtar abjavy choča atrymać usiaho 13 rubloŭ), ale z umovaj samavyvazu z Łošycy.

Skrynšot abjavy na «Kufary»

«Naša Niva» spytała ŭ fłarysta, čym abumoŭleny vysokija ceny na pivoni ŭ siezon:

— Jość niekalki pryčyn. Zrazumieła, bolš darahimi buduć pivoni, jakija pryvoziać ź inšych krain, bo košt dastaŭki taksama treba ŭličvać. Kali my havorym pra biełaruskija pivoni, to treba razumieć, što ich składaniej vyhadavać, čym, naprykład, ciulpany. Ty pasadziŭ cybuliny ciulpanaŭ — jany ŭzyšli praz dva tydni, a jašče dzion praz 10 raspuścilisia. Kab atrymać kvietki ad kusta pivoń, treba pačakać 2-3 hady (jość sarty, kali pryjdziecca i daŭžej čakać). Plus važna stvaryć kamfortnaje asiarodździe dla raśliny. Kali kust zachvareŭ, jaho nielha vylečyć — možna tolki vykapać i źniščyć, kab jon nie zaraziŭ inšyja.

Adzin z hałoŭnych faktaraŭ, jaki ŭpłyvaje na košt biełaruskich pivoń u siezon, — heta moda.

— Adkryjcie instahram. Amal u kožnaj druhoj dziaŭčyny buduć foty ź pivoniami. Babulki kala mietro, moža, i ničoha nie viedajuć pra instahram, ale kali jany bačać, što pivoni aktyŭna kuplajuć, dyk, kaniešnie, jany buduć pavyšać ceny. Upeŭnieny, što kali fota ź pivoniami sydzie ź letnich trendaŭ, to ŭ nastupnym hodzie kvietki adčuvalna patańniejuć — prynamsi biełaruskija ŭ siezon.

Kamientary13

  • Kvietki
    28.05.2024
    Takoje adčuvańnie, što niekatoryja minčuki dumajuć, što heta tak prosta niešta vyraścić, što im ledź nie zadarma pavinny pradavać bukiety. A vy vaźmicie dy pasprabujcie samastojna vyraścić choć adnu kvietku ci cybulčynu. Ci budziecie vy tady aburacca koštam i pradavać vynik svajoj pracy za kapiejki?
  • Žvir
    28.05.2024
    U mianie svaje rastuć, pryhožyja, žyvyja.
  • Žvir
    28.05.2024
    Kvietki, nie durycie halavý, vyraścić pivoni nićoha nie kaśtuje, i amal nićoha nie patrabuje. Inšaja sprava, što nichto nia choča heta rabić, i tamu na rynku ich mala, voś vam i košt.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →