Ekanomika99

Biełarus pieratvaryŭ adzin z pakojaŭ u ciaplicu i vyroščvaje tam ciulpany na prodaž

Valancina Piatroviča ź Minskaha rajona ŭ tyktoku nazyvajuć idealnym mužčynam. Jaho videa źbirajuć miljony prahladaŭ i tysiačy zachoplenych kamientaryjaŭ žančyn. U čym ža sakret pośpiechu piensijaniera-błohiera? Jon vyroščvaje ciulpany ŭ pakoi svajho doma. Akijan roznakalarovych kvietak u savieckim interjery sapraŭdy ŭražvaje.

Častka kvietak užo paradavała biełarusak 14 lutaha. Nastupny dzień iks — 8 sakavika. Mužčyna nie pieršy hod vyroščvaje kvietki na prodaž, tamu dobra viedaje, što, kali i jak treba rabić. U kamientaryjach jon tłumačyć, što, kab ciulpany paśpieli raspuścicca da Mižnarodnaha žanočaha dnia, pasadzić ich treba ažno ŭ kancy kastryčnika.

@nashaniva Piatrovič vyraściŭ cełaje pole ciulpanaŭ u svajoj kvatery i staŭ zorkaj tyktoku #tiulpany #biełaruś #novostibiełaruś #biełaruśnovosti #našaniva ♬ original sound - SpongeBob background music

Pačynajecca pracoŭny (ci tvorčy) praces u padvale haraža, tamu što pieršyja niekalki miesiacaŭ cybulinam nieabchodna znachodzicca ŭ ciomnym pamiaškańni pry tempieratury 5—10 hradusaŭ. Uvieś hety čas treba padtrymlivać ziamlu vilhotnaj.

U pačatku lutaha kvietki dla 8 sakavika pierajechali va ŭłasny pakoj u domie. Valancin Piatrovič nie adkazvaŭ na pytańnie, čamu vyrašyŭ vyroščvać kvietki ŭ chacie — tym bolš, što ŭčastak u mužčyny jość i letam jon na im šmat čaho vyroščvaje. Ale kamientatary miarkujuć, što tak atrymlivajecca bolš ekanomna, čym kali b jon budavaŭ ciaplicy.

@_petrovich_v

♬ Vsio dla tiebia - Stas Michajłov

Kvietkavaja palana vyhladaje nastolki pryhoža, što navat chiejteraŭ u błohiera amal niama — padpisčyki zachaplajucca: «Ja jezdžu ŭ Hałandyju hladzieć na takuju pryhažość, a tut vy ŭ pakoi», «Chłopčyk: u mianie niama hrošaj na kvietki. Mužčyna: niama hrošaj na kvietki, vyrašču tabie pole doma», «U mianie na aknie try cybuliny vyraści nie mohuć, a tut pasiarod pakoja ceły sad». Zamiežniki taksama ŭražany: «Samyja pryhožyja ciulpany. I žyrandola taksama pryhožaja. Załatyja ŭ vas ruki, udačy. Kyrhyzstan».

Kamientary9

  • Hańba
    20.02.2024
    Sakret jaho pośpiechu ŭ tym, što jon nie vysoŭvaŭsia, nie słuchaŭ usiakich błohieraŭ, nie ŭdzielničaŭ i nie preŭlekaŭsia. Bolš materyjałaŭ pra paśpiachovych biełarusaŭ, darahaja redakcyja!
  • Ba
    20.02.2024
    Biednyj chudožnik, no umnyj. Tot dieńhi na million ćvietov promieniał, a etot million ćvietov mieniajet na dieńhi.
  • Nikta
    20.02.2024
    Soniejka, idi spať, užie noč.

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž6

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni12

Dar‘ja Łosik vyjšła na svabodu pa pamiłavańni

Hałoŭnaje
Usie naviny →