Jak jon heta abhruntoŭvaje biez usiakaj kanśpirałohii?
![Siarhiej Parchomienka repier Siaroha Sierhiej Parchomienko repier Sierieha Siarhey Parkhomenka rapper Seryoga](http://d3kcf2pe5t7rrb.cloudfront.net/img/w840d4webp1/photos/z_2024_05/-cy6de.jpg.webp)
Aryhinalny pohlad na rolu sacyjalnych sietak Siarhiej Parchomienka, bolš viadomy jak repier Siaroha, vykazaŭ u efiry Pieršaha kanału Biełaruskaha radyjo. Padčas hutarki repier adznačyŭ, što sacyjalnyja sietki sadziejničajuć tolki tym, chto «prytrymlivajecca trendaŭ hłabalnych nastrojaŭ».
Siaroha zapeŭniŭ, što jahony vopyt znosin z sacyjalnymi sietkami dazvalaje jamu śćviardžać, što jany źjaŭlajucca instrumientami vajennaha zachopu:
«Ja sprabavaŭ supracoŭničać z sacyjalnymi sietkami. Nie budu ich nazyvać. Niekatoryja pryznanyja ekstremisckimi, zabaronienyja na niejkich terytoryjach. Ja mahu skazać, što vielmi ščylna i nienarmalna mieŭ znosiny z pradstaŭnikami samych viadomych sacsietak, i ja pahružany krychu ŭ takuju zakulisnuju tematyku.
Biez usiakaj kanśpirałohii mahu skazać adno: heta instrumienty vajennaha zachopu. Usie papularnyja sacsietki, pra jakija my možam havaryć, — heta vajennyja technałohii, kali idzie vajna praź śviadomaść».
Jak tłumačyć repier, kali «raniej rymski sałdat, prasoŭvajučy intaresy impieryi, pavinien byŭ pierasiačy miažu, a ŭžo potym ustanavić łaźni, termy, uvieści łacinskuju movu ŭ škoły (heta značyć, spačatku — fizičny zachop, a potym — zachop śviadomaści), to ciapier dziakujučy infarmacyjnym technałohijam možna zachoplivać śviadomaści napramuju.
Možna siabra pieratvarać u voraha i naadvarot. Źmianiać u čałavieka ŭ hałavie miescami paniaćci dabra i zła, plus i minus, radzima i pryjemnaja terytoryja, dobra i drenna, i hetak dalej».
Jak adznačaje Siaroha, dziakujučy infarmacyjnym technałohijam «ciapier, pa sutnaści, možna zachoplivać toje, što tabie treba, biez užyvańnia zbroi. Heta — vierch vajskovaha mastactva».
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://d3kcf2pe5t7rrb.cloudfront.net/img/w450h300crop1webp1/photos/stock/viachorka3-aajnw.jpg.webp)
Kamientary