«Treba vyciahnuć siudy administrataraŭ, jakija za miažoj znachodziacca». Jak HUBAZiK pravodzić hutarki z aryštavanymi
Jak raniej paviedamlałasia, u ruki Bajpoła patrapiŭ videazapis razmovy načalnika 3-ha ŭpraŭleńnia HUBAZiKa Michaiła Biedunkieviča ź Viktoryjaj Kulšaj. Ciapier źjaviłasia poŭnaja rasšyfroŭka. Što tam cikavaha?
Prapanova ździełki i admova zdymacca ŭ roliku HUBAZiKu
Viktoryja Kulša: Vy pryjechali mnie niešta prapanavać?
Michaił Biedunkievič: Ja kankretna skazaŭ: my chočam vyvučyć vašy adnosiny da padziej. Nu i nadalej my, moža, niešta prapanujem. Prapanova takaja, što nam treba dla pačatku razabracca, što vy možacie. A pa-druhoje, tam, moža, prapanujem, a moža, i nie.
V. A, nu dyk heta ździełka takaja…
B. Nierazumna niešta prapanoŭvać, nie razumiejučy da kanca vašaje…
V. Nu znoŭ, znoŭ-taki, voś ja ž kažu, ździełka naohuł ni pra što — «moža, prapanujem, a moža, i nie».
B. Tak. Dyk a što prapanavać, vy ž kažacie: voś heta maja pazicyja.
V. Ja ž nie viedaju, što vy hatovy mnie prapanavać, kali vy staicie na svaim, što «moža być tak, a moža być nie, moža być svaboda, moža być…»
B. Prapanova — miera strymańnia. Voś zaraz prapanova tolki [takaja], što my prapanujem vam zadumacca ab varyjantach miery strymańnia, jakaja budzie abiracca zaŭtra. Bo zaŭtra piatnica, nie buduć čakać try dni, zaŭtra buduć raźbiracca.
V. Tak.
B. I budzie dopyt, budzie śledčy stavić pytańni. Nu i pa vynikach, nakolki vy ščyryja, nakolki vy žadajecie dapamahčy nam vyznačyć inšych adminaŭ, inšych aktyŭnych udzielnikaŭ. Niedzie vyciahnuć siudy administrataraŭ, jakija za miažoj znachodziacca.
V. Zjeździcie sami zabiarycie.
B. Sa Skrypalami, bačycie, nie spravilisia, a tut z našymi mahčymaściami zabiarem, tam šmat chto zabiare. Nam by tut sabrać ich usich.
V. Ale zdymacca ŭ vašych filmach ja nie budu, ja vam dakładna havaru.
B. Nie, tut dla čaho zdymacca, tut tolki pa žadańni.
V. Ja vas umalaju, pa žadańni. Ja ŭčora tut jak Žulka biehała ad vašaha Bobika, jaki ŭsio na kamieru mianie sprabavaŭ źniać, tolki pa žadańni, ab čym vy havorycie.
Poŭnuju rasšyfroŭku razmovy čytajcie pa-rusku tut.
Čytajcie jašče:
Zatrymali jašče adnaho administratara Telegram-kanała «Kiroŭcy 97»
Što za čamadan nosić kala Łukašenki jahony achoŭnik? Nie, tam nie jadziernaja knopka20
Kamientary
Eti skoty dumajut, čto oni vojuiut protiv "propłačiennych kuratorami"..
oni nikohda nie pojmut, čto vojuiut s narodom.. i oni NIKOHDA nie pobiediat.
oni UŽIE proihrali vojnu. choť i vyihrali odnu piervuju bitvu... da dažie nie bitvu, a skorieje raźviedku bojem...
hotovtieś ubludki... my vierniemsia.