Hod tamu Stramavusaŭ zahinuŭ u DTZ.
Pomnik adkryli ŭ anieksavanym Simfieropali, paviedamlaje «Politika strany».
Pryznačany RF «namieśnik kiraŭnika Chiersonskaj administracyi» zahinuŭ 9 listapada 2022 hoda ŭ DTZ — za dva dni da vyzvaleńnia Chiersona.
Stramavusaŭ z listapada 2017 da studzienia 2019 hoda byŭ staršynioj Chiersonskaha adździaleńnia Sacyjalistyčnaj partyi Ukrainy, jakuju na toj momant uznačalvaŭ adyjozny Illa Kiva. Z 2021 hoda — člen prarasijskaj partyi «Dieržava».
Na ŭkrainskich parłamienckich vybarach 2019 hoda bałatavaŭsia ŭ narodnyja deputaty Ukrainy jak samavyłučeniec pa 82 akruzie, atrymaŭšy 1,74% hałasoŭ. Padčas pandemii COVID-19 pačaŭ prasoŭvać antypryščepačnyja pierakanańni i teoryi zmovy. U svaich rolikach jon abvinavačvaŭ ułady ŭ raspaŭsiudzie COVID-19, raspaviadaŭ pra «bijałabaratoryi ZŠA na Ukrainie» i zaklikaŭ žycharoŭ nie nasić maski i nie prytrymlivacca abmiežavańniaŭ.
Na vybarach u mery Chiersona 2020 hoda nabraŭ 1,37% hałasoŭ.
Paśla pačatku ŭvarvańnia Rasii na Ukrainu (2022) i nastupnaj rasijskaj akupacyi Chiersonskaj vobłaści padtrymaŭ dziejańni Rasii i ŭ pačatku sakavika sfarmavaŭ kałabaracyjaniscki Kamitet vyratavańnia za mir i paradak, potym staŭ namieśnikam kiraŭnika akupacyjnaj administracyi Chiersonskaj vobłaści.
Pavodle aficyjnaj viersii, zahinuŭ 9 listapada 2022 hoda ŭ DTZ za 8 kiłamietraŭ ad Novaj Kachoŭki ŭdzień, kali byŭ apublikavany zahad ministra abarony Rasii ab pakidańni Chiersona i adstupleńni na levy bierah Dniapra.
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie58
Kamientary