Usiaho patrochu11

«Plažy pustyja, vada — jak u ciopłaj vańnie». Jak biełarusy sioleta biez pucioŭki adpačyli ŭ Emiratach

Kolki kaštuje pravieści adpačynak u Abjadnanych Arabskich Emiratach, kali lacieć tudy nie praz turapieratara? Pra heta vydańniu Komkur.info raskazała žycharka Babrujska Hanna, jakaja razam z mužam pałovu vieraśnia praviała ŭ Abu-Dabi i Dubai.

«Bieźbiletnikaŭ kantralor paprasiŭ vyjści na nastupnym prypynku biez usialakaha štrafu»

«Vierasień — nie najlepšy miesiac dla adpačynku ŭ Emiratach, — raskazvaje Hanna. — Ale ŭ hety čas adnosna niedarahija kvitki na samalot. Na dvaich tudy-nazad jany abyšlisia ŭ 1300 dalaraŭ, u siezon ceny vyšejšyja. Inšyja pryvabnyja dla nas napramki nakštałt Kitaja, Japonii i Paŭdniovaj Karei pačynalisia ad 3000 dalaraŭ».

Prylacieŭšy ŭ Dubaj (palot ź Minska pramym rejsam zajmaje 6 hadzin 20 chvilin), babrujcy vyrašyli spačatku adpačyć u Abu-Dabi.

«Taksi tudy z aeraporta kaštuje minimum 90 dalaraŭ, tamu hety varyjant adrazu adkinuli. Vyrašyli jechać z aŭtastancyi, adpravilisia tudy na mietro. Heta zručna — na stancyju možna ŭvajści prosta z terminała.

Dla pajezdak kuplaješ śpiecyjalnuju kartku, jość adnarazovyja i šmatrazovyja, ich možna papaŭniać. Pajezdka abyšłasia ŭ šeść dyrchamaŭ na dvaich (1,6 dalara), košt zaležyć ad adlehłaści.

Z aŭtastancyi na aŭtobusie, jaki idzie dźvie hadziny, pryjechali ŭ Abu-Dabi, zapłaciŭšy pa 8 dalaraŭ za kvitok. Da hatela dajechali na aŭtobusie za 2 dyrchamy, taksama treba było kupić kartu dla pajezdak i papaŭniać jaje.

U aŭtobusie, darečy, bačyli kantralora. Bieźbiletnikaŭ jon prosta paprasiŭ vyjści na nastupnym prypynku biez usialakaha štrafu».

«Adzieńnie paśla dziesiaci chvilin na dvare možna vyciskać»

«Pieršaje ŭražańnie ad vady Piersidskaha zaliva było z prysmakam rasčaravańnia. Zajšli ŭ vadu, a jana takaja ciopłaja, jak u vańnie. A na śpiakocie tak chaciełasia aśviažycca!

U vieraśni ŭ Emiratach 40-hradusnaja śpiakota, jakaja adčuvajecca jak 50-hradusnaja. Adzieńnie paśla dziesiaci chvilin na dvare možna vyciskać. Tamu my potym chadzili na mora tolki ranieńka, a ŭ samaje piekła kupalisia ŭ basiejnie hatela. Tam vada, darečy, była prachałodnaj.

Ludziej ni kala basiejna, ni kala mora nie było. Zatoje na plažy stajała až piać budak ratavalnikaŭ — usio dla nas dvaich», — śmiajecca Hanna.

Niahledziačy na śpiakotu, muž i žonka — amatary chadzić minimum 10 tysiač krokaŭ za dzień — šmat hulali. Jeździli ŭ mastacki muziej Łuŭr Abu-Dabi, dzie vystaŭlajucca šedeŭry znakamitych aŭtaraŭ:

«Akramia rabot Leanarda da Vinčy, Van Hoha i Hahiena, znajšli tam piać karcin Marka Šahała. Było vielmi pryjemna. Košt uvachodnaha bileta dla takoha miesca prymalny — 20 dalaraŭ».

Łuŭr Abu-Dabi. Vierasień 2023 hoda

«Jeści na vulicy i ŭ hramadskim transparcie nielha»

Hatel u Abu-Dabi babrujcy vybrali prosty. Numar kaštavaŭ 65 dalaraŭ za noč sa śniadankami. Na abied časta kuplali sadavinu, jeści ad śpioki asabliva nie chaciełasia. Viačerali ŭ sietkavych ustanovach, u «Makdonaldsie»:

«Viačera kaštavała na dvaich prykładna 20 dalaraŭ. Jeści na vulicy i ŭ hramadskim transparcie nielha, tolki ŭ śpiecyjalna adviedzienych miescach. A ŭ transparcie nielha navat pić vadu».

Viačerali babrujcy ŭ sietkavych ustanovach, u «Makdonaldsie»

Pabyŭšy tydzień u Abu-Dabi, našy hieroi pierajechali ŭ Dubaj — jašče na tydzień. Tam numar u hateli kaštavaŭ 75 dalaraŭ za noč, śniadanki taksama byli ŭklučanyja.

Ad śpioki, jak i bolšaść miascovych dy turystaŭ, ratavalisia ŭ Dubai Mall — samym vialikim handlova-zabaŭlalnym centry ŭ śviecie, dzie znachodzicca 1200 kram, vielizarny akijanaryum, ladovy katok i navat kavałačak vulicy, jaki nakryvajecca pierasoŭnym dacham:

«Iści ŭ moł ad mietro, za piać chvilin ad jakoha my žyli, treba było 15 chvilin. Ad śpioki pad kaniec šlachu my byli mokryja da bializny. Pryjšli — a tam stolki narodu! Jak ža jany tudy dajšli, ździŭlalisia my. Niaŭžo ŭsie pryjechali na taksi? A akazałasia, što ad mietro da moła viadzie śpiecyjalny tunel z voknami i kandycyjanieram. Ale pra jaho my daviedalisia praź niekalki prahułak».

Kab kupić ałkahol, patrebny pašpart

Plažy ŭ Dubai taksama byli biaźludnymi, ale vada ŭžo chaładniejšaj. Ceny na pradukty akazalisia vyšejšymi, prajezd daražejšym. Ałkaholnyja kramy pracavali inakš, čym u Abu-Dabi, — patrebny byŭ pašpart.

Abu-Dabi. Vierasień 2023 hoda
Ptuški ŭ źviaryncy lotajuć prosta nad hałovami naviedvalnikaŭ

U pošukach uražańniaŭ babrujcy jeździli ŭ cikavyja dla turystaŭ miescy:

«Pabyvali na ekskursii ŭ pustyni z hidam-paleścincam, jaki ŭžo 47 hadoŭ žyvie ŭ Dubai. Śpiecyjalna ŭziali ekskursiju na anhlijskaj, kab papraktykavać movu. Pakatalisia na kvadracykłach, pahladzieli zabaŭlalnuju prahramu i paviačerali. Zapłacili za heta 200 dalaraŭ.

Vielmi spadabaŭsia kryty źviaryniec u Dubai. Žyvioł nielha čapać i karmić, jany žyvuć svabodna, ptuški lotajuć nad hałavoj».

Padvodziačy vynik, Hanna kaža, što jašče raz adpačyvać u Emiratach joj naŭrad ci zachočacca:

«My doŭha źbirali na hetuju pajezdku, i mnohaje spadabałasia. Navat, prabačcie, hramadskija prybiralni — dla turysta heta važny momant. Ich šmat, pryčym biaspłatnych. U Jeŭropie takoha nie ŭbačyš.

Ale śpiakota vymotvaje. Da jaje my adaptavalisia za niekalki dzion da palotu dadomu. Moža, u kastryčniku, kali pačynajecca siezon, było b kamfortniej. Ale ceny na kvitki i hateli ŭ hety čas vyšejšyja. My na ŭsio padarožža — ad kvitkoŭ da suvieniraŭ — i tak vydatkavali kala troch tysiač dalaraŭ. U kastryčniku ŭ hetuju sumu nijak nie ŭkłaścisia».

Dubaj. Vierasień 2023 hoda
Abu-Dabi. Vierasień 2023 hoda
Dubaj. Vierasień 2023 hoda

Čytajcie taksama: 

«Možna było za 200 dalaraŭ źniać viłu z basiejnam la akijana i žyć, jak miljanier». Biełarus raskazaŭ pra plusy i minusy žyćcia na vostravie Bali

«Na šezłonhu možna pakinuć sumku — nichto nie kranie». Biełaruski raskazali, čamu im padabajecca adpačynak i žyćcio ŭ Ałbanii

«Paśla pačatku vajny ceny na žyllo ŭpali, a na pradukty — vyraśli». Biełaruska raskazała, jak ciapier žyviecca ŭ Adesie i kolki heta kaštuje

«Z aeraporta pryjšłosia vybiracca na łodcy». Biełaruska praviała niekalki miesiacaŭ u Śjera-Leone i raskazvaje, što tam i jak

Kamientary1

  • Žvir
    19.10.2023
    A vy bačycie, jaki niajasny niebakraj ? I adliehlasc` ad tych budynkaū nievialikaja, a ūžo "zatumanienaja" prastora. Heta pyl, dakladniej - drobny, jak muka, piasok, što napaūniaje pavietra. Za dva razy, vo, nie admycca ad jaho, paslia naviedvaņnia. Jon liezie ū nos, u vočy... Dadajcie siudy niečuvanuju spioku, žaryšču, jakaja nie dazvaliaje doūhi čas znachodzicca vonki, duža biednuju pryrodu (kali jana tam uvohulie josc), što robic` zusim niecikavymi vandroūki,  mora, u jakoje nia chočacca zalazic, bo vada z tempieraturaj 36-38 C., i vy nia zmožacie pazbiehnuc` pytaņnia: "jakoha hrena ja tut zabyū?"... Nu, ladna, dlia mianie heta nie pytaņnie, alie, zboļšaha, jakoha ? Chmaračosaū nia bačyli ? Paļmaū nie chapaje ? Dzielia zmieny abstanoūki ??? Dyk dzielia zmieny abstanoūki chapaje sapraūdy cikavych kirunkaū u Eūropie, Balkany, Hruzija, Partuhalija, Islandyja. Kamu treba padaliej -  Filipiny, Japonija, Kareja... Aj, dzivu dajusia z liudziej, niama slovaū...

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Usie naviny →
Usie naviny

Padazravany ŭ padryvie aŭtamabila z rasijskim HRUšnikam paśpieŭ vylecieć z Maskvy ŭ Turcyju2

«Rasija łže nakont ekanamičnaha rostu. Sankcyi pracujuć, ich treba ŭzmacnić» — ministry finansaŭ ES19

Hałoŭnaja zorka zbornaj Ukrainy pierachodzić u ispanski top-kłub

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady4

Rasijskija aktyvisty paskardzilisia patryjarchu Kiryłu na Vienijamina — jon nie molicca za pieramohu6

Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam3

Łukašenka paprasiŭ nie nazyvać jaho haspadzinam16

Hałoŭnakamandučy USU: Va Ukrainy jość płan viartańnia Kryma, i heta realistyčna4

Surjozna? Alimpijcy buduć płavać u Sienie? Nasamreč, afihienny prajekt adradžeńnia raki8

bolš čytanych navin
bolš łajkanych navin

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Hałoŭnaje
Usie naviny →