Mahiloŭski abłasny sud 24 žniŭnia razhledzieŭ apielacyjnuju skarhu palitviaźnia Juryja Bubnova. Prysud, jak heta zaŭsiody ŭ takich vypadkach byvaje, pakinuli bieź źmienaŭ, a skarhu — biez zadavalnieńnia, piša Mayday team. Chutka Bubnova etapujuć u kałoniju.
Juryj Bubnoŭ — mahiloŭski zahadčyk kafiedry humanitarnych dyscyplin, doktar sacyjałahičnych navuk. Jahony partret znachodzicca na došcy honaru vieteranaŭ Biełaruskaha dziaržaŭnaha ŭniviersiteta charčovych i chimičnych technałohij. U Mahilovie Bubnoŭ viadomy jak ekśpiert-sacyjołah, adzin sa stvaralnikaŭ Centra haradskich inicyjatyŭ i fiestyvalu «Dranik-fest».
Jaho zatrymali 12 studzienia hetaha hoda prosta na kafiedry ŭniviersiteta.
26 traŭnia ŭ Mahilovie sud pryznačyŭ navukoŭcu 2 hady kałonii. Jaho abvinavačvali pavodle art. 367 (paklop na Łukašenku) i 368 (abraza Łukašenki) KK, ale asudzili tolki za abrazu. Prafiesar na sudzie viny nie pryznaŭ.
«Maje siły skončylisia»: Valaryna Kustava raskazała, čamu źbiraje na dapamohu svajoj siamji18
Kamientary