Ekanomika33

Z «Biełavija» razryvaje supracoŭnictva nacyjanalnaja avijakampanija AAE

Pavodle infarmacyi sajta Motolko.help, z avijakampanijaj «Biełavija» razarvała supracoŭnictva Nacyjanalnaja avijakampanija AAE — Etihad Airways. Viadoma ab spynieńni supracoŭnictva jak minimum na adnym z kirunkaŭ.

Fota: Etihad Airways

9 žniŭnia avijakampanija «Biełavija» trapiła pad sankcyi ZŠA. Paśla hetaha Etihad Airways spyniła supracoŭnictva ź biełaruskaj kampanijaj pa kod-šerynhu.

Kod-šerynh — heta pahadnieńnie pamiž dźviuma i bolš avijakampanijami na sumiesnuju ekspłuatacyju adnaho avijarejsa. Heta značyć, što vy lacicie, naprykład, z Łondana ŭ Piekin ź pierasadkaj u Maskvie, i da Maskvy vas viazie avijakampanija «A», a ad Maskvy da Piekina avijakampanija «B», ale rejs pry hetym adzin i adpaviedna kvitok u vas taksama adzin.

Viadoma, što kod-šerynhavaje pahadnieńnie pamiž «Biełavija» i Etihad Airways było padpisana jašče ŭ 2013 hodzie, tady paviedamlałasia, što avijakampanii buduć sumiesna vykonvać nastupnyja rejsy: Minsk — Abu-Dabi — Minsk, Abu-Dabi — Chašymin — Abu-Dabi, Abu-Dabi — Mielburn — Abu-Dabi i Abu-Dabi — Sidniej — Abu-Dabi.

Darečy, raniej Etihad Airways i samastojna vykonvała pramyja rejsy ŭ Minsk. Ale stanam na siońnia, 18 žniŭnia 2023 hoda, kupić kvitok ź Minska ŭ Abu-Dabi na sajcie Etihad užo nielha. Pošuk nibyta i vydaje siarod kirunkaŭ Minsk, ale pry vybary luboj daty pakazvaje, što rejsaŭ niama.

Motolko.help užo viadomyja kiejsy ludziej, jakija sutyknulisia z prablemaj z-za razryvu supracoŭnictva. Im prychodziać paviedamleńni, što stykavy rejs u/ź Minska admienieny i treba budzie dabiracca inšym sposabam. 

Kamientary3

  • Łoł
    18.08.2023
    Ničoha dobraha dla šerahovych biełarusaŭ ŭ takich navinach niama. Łukašysckaja elitka budzie dabiracca na biznes džetach, a ludzi praz Maskvu. Nikoli nie padtrymlivaŭ sankcyi suprać Biełavii.
  • Spadar
    18.08.2023
    O,dobraja navina!
  • Josik
    18.08.2023
    Jakuju liŭreju namalujem, dasyłajcie svaje prapanovy. Hladzicie, jakoje pryhožaje firmovaje adzieńnie na ściuardesach budzie, a piłoty jakija krasaŭcy (nie tyja, jakich lubić dyrektar saŭhasa), navat, Uładzimir Ceśler braŭ udzieł va ŭsioj hetaj mituśni. Pamiatajecie, jak vałoška na fiuzielažy źjaviłasia, jak pryhoža. I što, raźlatajucca pa śviecie, bieź viartańnia, kaniešnie, samaloty Biełavija. A što z saŭhasnym boinham, dzie jon absłuhoŭvajecca?

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Eks-premjer Siarhiej Rumas źjaviŭsia na pachavańni Vierhiejenki FOTAFAKT6

Ryžankoŭ: U mianie i babula, i mama byli čystymi polkami52

Pucin prapanavaŭ Iranu rekordnyja abjomy rasijskaha hazu sa źnižkaj 75%4

Lidar čempijanatu Biełarusi vylecieŭ ź niatopavaha jeŭrakubka ŭžo na pieršaj stadyi kvalifikacyi

U Pinsku piensijanier uciakaŭ ź miesca ŭčynienaha im najezdu i pa darozie padbiŭ jašče dźvie mašyny

Viadomy błohier nabyŭ kvateru ŭ Polščy — voś jak heta ŭ jaho atrymałasia20

Bajden moža vyjści z vybarnaj honki ŭžo na hetyja vychadnyja12

Minski chirurh vydaŭ zbornik esteckaj prozy. Tak pa-biełarusku raniej nie pisali

U Drazdach źbirajucca zavieści płyvučyja altanki3

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →