Эканоміка33

З «Белавія» разрывае супрацоўніцтва нацыянальная авіякампанія ААЭ

Паводле інфармацыі сайта Motolko.help, з авіякампаніяй «Белавія» разарвала супрацоўніцтва Нацыянальная авіякампанія ААЭ — Etihad Airways. Вядома аб спыненні супрацоўніцтва як мінімум на адным з кірункаў.

Фота: Etihad Airways

9 жніўня авіякампанія «Белавія» трапіла пад санкцыі ЗША. Пасля гэтага Etihad Airways спыніла супрацоўніцтва з беларускай кампаніяй па код-шэрынгу.

Код-шэрынг — гэта пагадненне паміж дзвюма і больш авіякампаніямі на сумесную эксплуатацыю аднаго авіярэйса. Гэта значыць, што вы ляціце, напрыклад, з Лондана ў Пекін з перасадкай у Маскве, і да Масквы вас вязе авіякампанія «А», а ад Масквы да Пекіна авіякампанія «Б», але рэйс пры гэтым адзін і адпаведна квіток у вас таксама адзін.

Вядома, што код-шэрынгавае пагадненне паміж «Белавія» і Etihad Airways было падпісана яшчэ ў 2013 годзе, тады паведамлялася, што авіякампаніі будуць сумесна выконваць наступныя рэйсы: Мінск — Абу-Дабі — Мінск, Абу-Дабі — Хашымін — Абу-Дабі, Абу-Дабі — Мельбурн — Абу-Дабі і Абу-Дабі — Сідней — Абу-Дабі.

Дарэчы, раней Etihad Airways і самастойна выконвала прамыя рэйсы ў Мінск. Але станам на сёння, 18 жніўня 2023 года, купіць квіток з Мінска ў Абу-Дабі на сайце Etihad ужо нельга. Пошук нібыта і выдае сярод кірункаў Мінск, але пры выбары любой даты паказвае, што рэйсаў няма.

Motolko.help ужо вядомыя кейсы людзей, якія сутыкнуліся з праблемай з-за разрыву супрацоўніцтва. Ім прыходзяць паведамленні, што стыкавы рэйс у/з Мінска адменены і трэба будзе дабірацца іншым спосабам. 

Каментары3

  • Лол
    18.08.2023
    Нічога добрага для шэраговых беларусаў ў такіх навінах няма. Лукашысцкая элітка будзе дабірацца на бізнэс джэтах, а людзі праз Маскву. Ніколі не падтрымліваў санкцыі супраць Белавіі.
  • Спадар
    18.08.2023
    О,добрая навина!
  • Ёсік
    18.08.2023
    Якую ліўрэю намалюем, дасылайце свае прапановы. Глядзіце, якое прыгожае фірмовае адзеньне на сцюардэсах будзе, а пілоты якія красаўцы (не тыя, якіх любіць дырэктар саўгаса), нават, Уладзімір Цэсьлер браў удзел ва ўсёй гэтай мітусні. Памятаеце, як валошка на фюзеляжы з'явілася, як прыгожа. І што, разлятаюцца па сьвеце, без вяртаньня, канешне, самалёты Белавія. А што з саўгасным боінгам, дзе ён абслугоўваецца?

«Пока ты без дел». Рэктарка Гродзенскага ўніверсітэта ўзарвала тыкток абсцэннай лексікай8

«Пока ты без дел». Рэктарка Гродзенскага ўніверсітэта ўзарвала тыкток абсцэннай лексікай

Усе навіны →
Усе навіны

Дырэктарка Сакрэтнай службы ЗША пасля замаху на Трампа пайшла ў адстаўку6

Стала вядома пра арышт гісторыка Ігара Мельнікава21

У Гродне можна набыць сядзібу апошняга караля Рэчы Паспалітай

У Беларусі з-за ўрагану загінулі сем чалавек

У Мінску паставяць помнік качцы, якая выгадавала птушанят на клумбе ў цэнтры горада4

Беларуска вырасціла гіганцкі агурок, які важыць два кілаграмы ФОТАФАКТ1

У Іванаўскім раёне ратавальнікі дасталі змяю з канапы1

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску62

Чарговы хапун у Баранавічах — затрымалі адразу пяць чалавек1

больш чытаных навін
больш лайканых навін

«Пока ты без дел». Рэктарка Гродзенскага ўніверсітэта ўзарвала тыкток абсцэннай лексікай8

«Пока ты без дел». Рэктарка Гродзенскага ўніверсітэта ўзарвала тыкток абсцэннай лексікай

Галоўнае
Усе навіны →