Ułady Hruzii «detalna vyvučać» novyja sankcyi ZŠA ŭ dačynieńni da «Biełavija»
U paviedamleńni hruzinskich avijacyjnych uładaŭ havorycca, što ŭ metach zabieśpiačeńnia biaśpieki «robicca pastajanny manitorynh sankcyj i abmiežavańniaŭ».
«Ahienctva hramadzianskaj avijacyi Ministerstva ekanomiki i ŭstojlivaha raźvićcia Hruzii robić pastajanny manitorynh sankcyj i abmiežavańniaŭ, jakija nakładajucca mižnarodnymi arhanizacyjami hramadzianskaj avijacyi i kampanijami-vytvorcami hramadzianskaj avijacyi, zychodziačy z metaŭ zabieśpiačeńnia biaśpieki pasažyraŭ, palotaŭ i avijacyjnaj biaśpieki», — udakładnili ŭ hruzinskim avijacyjnym viedamstvie.
«Na padstavie sankcyj, uviedzienych vytvorcam, Ahienctva […] z červienia hetaha hoda abmiežavała ekspłuatacyju avijakampanijaj «Biełavija» ŭ Hruzii samalotaŭ «Boinh». Adpaviedna, rejsy nazvanaj avijakampanii ŭ kirunku Hruzii robiacca samalotami «Embrajer», — padkreśliła viedamstva.
Ahienctva zajaviła, što adkaz adnosna ŭviadzieńnia Hruzijaj abmiežavańniaŭ suprać «Biełavija» budzie dadzieny paśla vyvučeńnia sankcyj.
«Biełavija» ŭ 2022 hodzie zajmała čaćviortaje miesca pa kolkaści pieraviezienych pasažyraŭ u Hruziju. Nacyjanalny avijapieravozčyk robić štodzionnyja rejsy Tbilisi-Minsk-Tbilisi, Kutaisi-Minsk-Kutaisi i čatyry rejsy ŭ tydzień Batumi-Minsk-Batumi.
9 žniŭnia Upraŭleńnie kantrolu nad zamiežnymi aktyvami Minfina ZŠA paviedamiła ab pašyreńni abmiežavalnych zachadaŭ u dačynieńni da biełaruskaha režymu «ŭ suviazi z treciaj hadavinaj sfalsifikavanych prezidenckich vybaraŭ u žniŭni 2020 hoda». U sankcyjny pieralik uniesienaja i avijakampanija «Biełavija».
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki31
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1717
Kamientary