Vajskovy łahier pad Asipovičami. Fota: AP Photo / Alexander Zemlianichenko

Vajskovy łahier pad Asipovičami. Fota: AP Photo / Alexander Zemlianichenko

Žychary Celi paćvierdzili, što vahnieraŭcy zasialili łahier, razhornuty ŭ hłybini vajskovaha haradka. Jaho terytoryja aharodžanaja płotam z kalučym drotam naviersie. Najomnikam adramantavali padjaznuju darohu. 

Viaskoŭcy nazyvajuć vahnieraŭcaŭ «haściami».

Kali vyśvietliłasia, što jany asiaduć u Celi, to miascovaje nasielnictva stali papiaredžvać, što «znachodžańnie rasijan u Biełarusi — tajamnica, i raskazvać pra ich zabaroniena».

Niekatoryja viaskoŭcy byli ŭ łahiery, kali jaho razbudoŭvali. Pa ich słovach, jon vyhladaje miescam dla časovaha pierabyvańnia vajskoŭcaŭ.

Tak vyhladajuć namioty ŭ łahiery, dzie asieli vahnieraŭcy. Fota: t.me/news_sirena

Tak vyhladajuć namioty ŭ łahiery, dzie asieli vahnieraŭcy. Fota: t.me/news_sirena

«Nam kažuć, što «hości» nienadoŭha. Niby prabuduć da zimy, a potym ich niekudy adpraviać. My i sami spadziajomsia na toje. Uzimku žyć u namiotach niasoładka, a ŭ nas ža pakul nie vajna, kab ciarpieć sałdatam takija vyprabavańni. Raźvitajemsia biez škadavańnia», — kaža žychar Celi.

Cel — heta sama vioska i vajskovy haradok, u jakim da 2018 hoda dysłakavałasia 465-ja rakietnaja bryhada z prylehłymi da vajskovaj čaści damami dla aficeraŭ.

Ahulny vyhlad vajskovaj čaści i namiotavaha łahiera la vioski Cel, 30 červienia 2023 hoda. Fota: «Radyjo Svaboda»

Ahulny vyhlad vajskovaj čaści i namiotavaha łahiera la vioski Cel, 30 červienia 2023 hoda. Fota: «Radyjo Svaboda»

Viaskoŭcy pra najomnikaŭ kažuć, što jany padobnyja da vajaŭnikoŭ ź filmaŭ — takija ž brutalnyja i pahroźlivyja. Pa ich vidać, što «chłopcy z vajny» i da biełaruskich vajskoŭcaŭ nie padobnyja.

«U łahier kałona pryjechała dni dva ci try tamu, — raskazvaje nastupny surazmoŭca. — Było tady ŭ łahiery tłumna. Čuŭsia rohat i maciukańnie. Ich havorka da našaj nie padobnaja. Intaresu ŭ nas da ich niama. Biez patreby nie chodzim u vajskovy haradok».

Pra znachodžańnie ŭ Asipovickim rajonie vahnieraŭcaŭ 16 lipienia paviedamiła i asipovickaja rajonka.

«Pradstaŭniki pryvatnaj vajskovaj kampanii Jaŭhiena Pryhožyna, jakaja ŭdzielničała ŭ vajennych dziejańniach va Ukrainie na baku Rasii, źjaŭlajucca instruktarami pa niekatorych vajskovych dyscyplinach dla bajcoŭ biełaruskich terytaryjalnych vojskaŭ u łahiery pad Asipovičami», — davodziłasia ŭ publikacyi.

Nakolki viadoma, ideołahi zahadali miascovaj presie dazavana davać infarmacyju ab tym, čym zajmajucca najomniki ŭ Biełarusi, kab supakojvać nasielnictva.

Vahnieraŭcy «pieradajuć svoj dośvied» biełaruskim vajskoŭcam na asipovickim palihonie. Ad Celi da jaho paŭtara dziasiatka kiłamietraŭ.

«Našamu spakojnamu žyćciu, vidać, pryjšoŭ kaniec. Užo paboleła mituśni. Čaściej zjaŭlajecca ŭ nas milicyja, z vajskovaha haradka ŭviečary čujecca muzyka. Pakul niezrazumieła, što nas čakaje», — razhublena vykazvajecca žycharka Celi.

Vahnieraŭcy trenirujuć biełaruskija padraździaleńni terytaryjalnych vojskaŭ na asipovickim palihonie. Skryn videa pres-słužby Ministerstva abarony Biełarusi

Vahnieraŭcy trenirujuć biełaruskija padraździaleńni terytaryjalnych vojskaŭ na asipovickim palihonie. Skryn videa pres-słužby Ministerstva abarony Biełarusi

Pra raźmiaščeńnie vahnieraŭcaŭ u Asipovickim rajonie paviedamiła 26 červienia rasijskaje vydańnie «Viorstka».

«Naša Niva» vyśvietliła tady, što mierkavanym miescam dysłakacyi najomnikaŭ moža stać vajskovy haradok u vioscy Cel. Miascovyja žychary raskazali pra toje, što jaho pačali ŭparadkoŭvać.

Paźniej zjavilisia fotazdymki łahiera z tryma sotniami namiotaŭ, jaki byŭ razhornuty paśla 24 červienia. Adzin namiot raźličany na 60 čałaviek.

7 lipienia pamočnik ministra abarony Biełarusi hienierał-major Leanid Kasinski sprabavaŭ dezavujavać infarmacyju ab raźmiaščeńni ŭ Asipovickim rajonie vahnieraŭcaŭ. Jon pierakonvaŭ, što kančatkovaje rašeńnie nie pryniata, a łahier «uładkoŭvaŭsia dla treniroŭki jak vajskoŭcaŭ, tak i pradstaŭnikoŭ cyvilnaj administracyi ŭ ramkach razhortvańnia sistemy terytaryjalnaj abarony».

11 lipienia Ministerstva abarony pryznała, što vahnieraŭcy zasielać łahier.

Dniami rasijskija telehram-kanały rastyražavali fota kiraŭnika pryvatnaj vajskovaj kampanii «Vahnier» Jaŭhiena Pryhožyna, jaki niby načavaŭ u łahiery najomnikaŭ pad Asipovičami.

Na hety čas viadoma ab prybyćci čatyroch transpartnych kałon z vahnieraŭcami. Pa biełaruskich darohach da miesca dysłakacyi jany jeduć pad razhornutymi svaimi i rasijskimi ściahami. 

PVK «Vahnier» u demakratyčnym śviecie ličycca terarystyčnaj arhanizacyjaj, jakaja viadomaja vajennymi złačynstvami va Ukrainie. U jaje šerahach vajujuć kryminalniki, jakich zavierbavali ŭ rasijskich turmach. Prasłavilisia vahnieraŭcy svaimi złačynstvami i ŭ inšych krainach, pieradusim afrykanskich.

Vahnieraŭcy ŭžo byvali ŭ Biełarusi. U 2020 hodzie try dziasiatki bajevikoŭ byli zatrymanyja pa padazreńni ŭ padrychtoŭcy biesparadkaŭ. Kali paśla vybaraŭ pačalisia pratesty, ich pieradali Rasii.

Hladzicie taksama:

Kamandzir «Vahniera»: My ŭsie ŭ adpačynku da pačatku žniŭnia, a paśla jedziem u Biełaruś

Łukašenka raspavioŭ, dzie PVK «Vahnier» i Pryhožyn

«Dyk PVK «Vahnier» nie isnuje! Prosta nie isnuje!» Pucin raspavioŭ, pra što razmaŭlaŭ z Pryhožynym

«Vyhnać rasijskich vajskoŭcaŭ z našaj krainy». Cichanoŭskaja źviarnułasia da dypłamataŭ, čynoŭnikaŭ i siłavikoŭ u suviazi z padziejami ŭ Rasii

U Dziarždumie Rasii zajavili, što PVK «Vahnier» patrebnaja ŭ Biełarusi dla budučaha zachopu Suvałkskaha kalidora

Miaciež Pryhožyna vybivaje vialikuju častku bajazdolnych čaściej i demaralizuje rasijskich vajskoŭcaŭ

Клас
24
Панылы сорам
8
Ха-ха
12
Ого
12
Сумна
16
Абуральна
143

Chočaš padzialicca važnaj infarmacyjaj ananimna i kanfidencyjna?