U vyniku źniščeńnia Kachoŭskaj HES zahinuli jak minimum vosiem čałaviek
Źjavilisia pieršyja źviestki pra zahinułych ad źniščeńnia Kachoŭskaj HES i zatapleńnia vialikaj častki Chiersonščyny. Ich prynamsi vosiem.
Bolš za ŭsio paciarpieŭ levy bierah Dniapra, jaki akupavała Rasija. Całkam pad uładaj akazaŭsia horad Aleški i mocna zatoplenaja Novaja Kachoŭka.
Jakraz u Novaj Kachoŭcy, pavodle infarmacyi akupacyjnych uładaŭ, piaciora zahinułych. Ukrainskija ŭłady kažuć pra troch — u Aleškach. Jašče ab adnym viadoma na Mikałajeŭščynie. Usie jany zahinuli praz zatapleńnie.
Zahinułych budzie našmat bolš, jak kažuć ukrainskija ŭłady i prahnazujuć, što realnuju karcinu trahiedyi ŭbačać paśla taho, jak vada adstupić, pra heta piša Bi-bi-si.
Kachoŭskuju HES pabudavali ŭ 1950-ch, heta adna z najbujniejšych hidraelektrastancyj śvietu. Na bierazie Kachoŭskaha vadaschovišča raźmiaščajecca Zaparožskaja AES, jana achałodžvałasia jaho vadoj.
Uzrovień vady ŭ Dniapry nižej za HES moža padniacca na 12 mietraŭ, jak paviedamlajuć u administracyi Chiersonskaj vobłaści. Heta vyšynia piacipaviarchovaha doma.
Śmiarotnaja niebiaśpieka pahražaje ŭkrainskim bajcam, jakija za apošnija miesiacy ŭziali pad kantrol bałocistyja astravy na levym bierazie Dniapra.
Raźliŭ Dniapra nižej za HES robić niemahčymym jaho farsiravańnie tam. U toj ža čas razbureńnie płaciny spynić pastupleńnie vady ŭ Paŭnočna-Krymski kanał, što aznačaje prablemy ŭ vodazabieśpiačeńni Kryma navat paśla jaho vyzvaleńnia.
Całkam nastupstvy padryvu HES ciažka praličyć. U pryvatnaści, zastajecca biez achałodžańnia Zaparožskaja AES, heta stvaraje pahrozu jaje avaryjnaha spynieńnia.
Kim akazaŭsia toj biełarus, što ŭ adnych trusach napaŭ na palicejskich na Pchukiecie i raskidaŭ ich4
Kamientary