Aleški pad vadoj i sotni ludziej na dachach. Jak ratujuć ludziej na zatoplenaj Chiersonščynie
Na levabiarežžy Chiersonščyny, što znachodzicca ŭ akupacyi, padtoplenyja ci navat zatoplenyja dziasiatki viosak i haradoŭ. Praz padryŭ damby Kachoŭskaj HES uzrovień vady miescami padniaŭsia tut da čatyroch mietraŭ.
Ludzi na łodkach sprabujuć vybracca z zatoplenych terytoryj, ale vielmi mnohija ź ich prosta vymušanyja ŭskaraskacca na dachi damoŭ i čakać vyratavańnia. Pavodle ŭkrainskich uładaŭ, tam užo zahinuli ludzi, pra heta piša Bi-bi-si.
Aeraraźviedčyk z pazyŭnym «Santa» raskazaŭ, jak udałosia vyratavać mamu z dvuma dziećmi z Alešak. Dron aeraraźviedki ŭbačyŭ na zatoplenaj terytoryi cyvilnych, jakija akazalisia ŭ vodnaj pastcy na dachu svajho doma.
«Trymacca. Biez paniki. Evakuacyja budzie. «Santa» — takuju zapisku razam z vadoj dastaviŭ ludziam dron pamiežnika. Paśla jaho dron zabiaśpiečvaŭ supravadžeńnie evakuacyjnaj kamandy. Siamju evakujavali. Ciapier jany znachodziacca ŭ biaśpiecy.
Taksama vyratavali žančynu ź dziećmi i žyviołami.
Siamja była na dachu doma, atočanaha vadoj, kali ich zaŭvažyŭ dron ukrainskich vajskoŭcaŭ.
Śpiarša im zmahli skinuć vadu z drona — chłopiec jaje sprytna złaviŭ.
A potym znajšli šlachi evakujavać siamju. Ciapier jany ŭ biaśpiečnym miescy.
A ŭ Chiersonie ratujuć kacianiataŭ, jakija vielmi bajacca vady.
Ekśpierty jašče raniej pakazvali, što płaciny na Dniapry budavalisia ŭ savieckija časy z raźlikam na masiravanyja rakietnyja ŭdary, a tamu Ukraina nie mahła razburyć dambu niekalkimi rakietami.
A zafiksavanyja na videa paškodžańni pakazvajuć, što padryŭ ažyćciavili z dapamohaj vialikaj kolkaści mahutnaj vybuchoŭki, jakuju zakłali znutry zbudavańniaŭ stancyi — u mašynnaj zale.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»2
Kamientary