Što ŭjaŭlaje saboj impieryja «Novy zrok» i ŭ jakoj schiemie ich abvinavaciŭ DFR
Biznesoŭcy, ź jakimi «Naša Niva» pahavaryła, schilnyja ličyć, što ŭ realnaści «Novy zrok» karajuć za niešta inšaje, čym toje, što ahučvajecca. Tak ci inačaj, «Novy zrok» — heta ŭžo daŭno nie čysta biełaruskaja historyja.
Departamient finansavych rasśledavańniaŭ (DFR) Kamiteta dziaržaŭnaha kantrolu abvinavaciŭ viadomuju aftalmałahičnuju kliniku «Novy zrok» i jaje ŭłaśnika Aleha Kaŭryhina ŭ vypłacie zarobkaŭ u kanviertach. Śćviardžajecca, što zarobki ŭ kanviertach atrymlivali «bolš čym 50 rabotnikaŭ» jak minimum 5 hadoŭ, a suma, vypłačanaja takim čynam, składaje 2,5 miljona rubloŭ.
DFR śćviardžaje, što hrošy zavozilisia hatoŭkaj ź Litvy.
«Novy zrok» — vialikaja pa biełaruskich mierkach sietka z klinikami ŭ piaci haradach: Brest, Hrodna, Mahiloŭ, Viciebsk. Samaja vialikaja klinika pracuje va ŭłasnym budynku kampanii ŭ Minsku na vulicy Kłumava.
«Novy zrok» samy vialiki hulec na rynku aftalmałahičnych pasłuh Biełarusi. «Łade» maje bolšyja abaroty, ale jany, akramia apieracyj na vačach, zajmajucca mnohimi inšymi śfierami, aftalmałohija ŭ ich — nie asnoŭnaja śpiecyjalizacyja.
U «Novym zroku» u Biełarusi pracuje 260 čałaviek.
Centr uźnik pry kancy 1990-ch. Jak skazaŭ «Našaj Nivie» čałaviek ź miedyčnaj śfiery, «kali pa ŭsioj krainie stajali hihanckija čerhi ŭ balnicy i palikliniki, ułaśniki sučasnych «Novaha zroku» i «Łade» ułavili popyt, źniali budynki, pastavili tudy beušnaje abstalavańnie i nakałacili pieršy kapitał. A ź ciaham času vyraśli ŭ prystojnyja centry, za jakija nie soramna».
Biznes «Novaha zroku» pačynaŭsia na arendnych płoščach MTZ, a tahačasny ministr achovy zdaroŭja Ihar Zielankievič radavaŭsia, što znajšłasia kampanija, jakaja pierakinuła na siabie častku nahruzki ź dziaržaŭnych klinik.
Zasnavalnik «Novaha zroku» — biełarus Aleh Kaŭryhin. Adukacyju jon atrymlivaŭ u Hiermanii i pieršyja svaje kroki ŭ biznesie zrabiŭ, zajmajučysia pastaŭkami abstalavańnia «Simiensa».
Typovy vypadak dla łukašenkaŭskaj Biełarusi — na radzimie biznesmien daŭno nie pakazvajecca, u 2014 hodzie na jaho zavodzili kryminalnuju spravu za nibyta kantrabandu miedycynskaha abstalavańnia. Sprava ničym nie skončyłasia, jaje zakryli, ale ŭ Biełaruś Kaŭryhin nie viartaŭsia i voś užo chutka 10 hadoŭ, jak žyvie ŭ emihracyi.
Departamient finansavych rasśledavańniaŭ śćviardžaje, što Kaŭryhin žyvie ŭ Litvie, ale heta sastarełaja infarmacyja. Spačatku jon sapraŭdy byŭ vyjechaŭšy ŭ Vilniu, u Litvie ŭ jaho byŭ biznes, ale ciapier žyvie na Malcie, bo Malta — svajho rodu raj dla bahatych ludziej na piensii.
Tam pryjemny padatkovy režym, i ŭłady hetaj krainy nie chvalujuć prybytki rezidentaŭ u inšych jurysdykcyjach.
Tak ci inačaj, «Novy zrok» — heta ŭžo daŭno nie čysta biełaruskaja historyja.
Sam Kaŭryhin raskazvaŭ, i surazmoŭcy «Našaj Nivy» paćviardžajuć, što biełarusu ŭdałosia multyplikavać svoj biznes pa ŭsioj Jeŭropie.
Kliniki «Novaha zroku» jość u Rasii, Ukrainie (pad brendam «Brytanski aftalmałahičny centr»), Litvie, Brytanii, Narviehii i hetak dalej. Płanujecca budaŭnictva kliniki na Malcie.
U sietcy «Novaha zroku», jak śćviardžajuć ich sajty, zroblena ŭžo bolš za miljon łaziernych karekcyj i bolš za 500 tysiač vydaleńniaŭ katarakty. Imavierna, heta kumulatyŭnaja ličba ŭsich centraŭ.
«Novy zrok» — heta prybytkovaja, ale i vielmi składanaja biznes-historyja, — skazaŭ «Našaj Nivie» adzin ź biełaruskich biznesoŭcaŭ. — Mnohija hetym by chacieli zaniacca, ale nie ŭsim udajecca.
U Biełarusi da jaho maštabaŭ mała chto vyras. Vyručka kampanii štohod rasła. Pa majoj infarmacyi, u apošnija hady jana pieravyšała 30 miljonaŭ rubloŭ. Toje, u čym jaho abvinavačvajuć — 2,5 miljona rubloŭ u kanviertach za piać hadoŭ, heta dla takich abarotaŭ ništo, tearetyčna niavypłačanyja z hetaj sumy padatki — miljon rubloŭ. Jon za adzin hod kratna bolš płacić zarobkaŭ i padatkaŭ», — kaža biznesoviec.
Pytańni kaleh pa cechu vyklikała ahučanaja śledstvam schiema: nibyta, hrošy hatoŭkaj zavozilisia ź Litvy, a ŭ Biełarusi razdavalisia piaci dziasiatkam ludziej.
«Dla čaho ŭklučać u schiemu 50 čałaviek, jašče i ciaham 5 hadoŭ? — dzielicca sumnievami biznesoviec. — Možna zrazumieć vypłatu bonusaŭ u kanviertach svaim top-mieniedžaram, ale tady ty taksama možaš stać rabom lampy, bo jany mohuć danieści ŭ orhany, kali niešta pojdzie ŭ vašych adnosinach nie tak. Ale płacić daktaram, miedsiostram kešam piać hadoŭ? Nierealistyčna. Ja dapuskaju asobnyja epizody, ale słaba vieru ŭ toje, što było tak, jak kaža DFR».
Biznesoŭcy, ź jakimi «Naša Niva» pahavaryła, schilnyja ličyć, što ŭ realnaści «Novy zrok» karajuć za niešta inšaje, čym toje, što ahučvajecca.
Premii, 13-ja zarobki ŭ kanviertach, u jakich abvinavačvajuć «Novy zrok», sapraŭdy šyroka raspaŭsiudžanyja na roznych pradpryjemstvach Biełarusi.
«Ale ja nie vieru ŭ maštaby i sposab, ahučanyja Dziaržkantrolem adnosna «Novaha zroku», — pieravozku valuty praź miažu, — kaža naš surazmoŭca ź biźnies-kołaŭ. — Isnuje miljard schiem, jak płacić u kanviercie bieź pieravozki keša ź Litvy. Heta niełahična. Kali havorka pra ekanomiju, to nivodnaja litoŭskaja schiema nie kaštuje mienš, čym biełaruskaja. Zdabyć keš u Litvie budzie, jak minimum, nie tańniej, čym u Biełarusi. Paraŭnajcie, jak rabili ŭ «Hipa» — nasypali vialikija zarobki top-mieniedžaram, a jany ŭžo razdavali, kamu treba.
A tak atrymlivajecca, što čałaviek adnoj rukoj pavinien, pa łohicy, vyvodzić srodki ź Biełarusi, a druhoj zavozić ich nazad u vyhladzie keša pa zaviedama rasstrelnaj schiemie. Ja nie vieru, što Kaŭryhin takoje rabiŭ», — kaža biznesoviec.
«Naša Niva» — bastyjon biełaruščyny
PADTRYMAĆ
Kamientary
Ko-vri-hin? a čto on v rukie dieržit? kovrižku?