U pasiołku Akciabrski da «Dažynak» śpiłavali kaštanavuju aleju. Žychary aburany: «Nie biez duraści»
Miascovyja ŭłady padajuć heta jak dobraŭparadkavańnie terytoryi.
Pra śpiłavanyja drevy «Našaj Nivie» raskazaŭ miascovy žychar.
«Pačali da abłasnych «Dažynak» rychtavacca, i nie biez duraści. Śpiłavali staryja zialonyja nasadžeńni ŭzdoŭž Savieckaj vulicy, ludzi aburajucca. Na fotazdymkach našaj haziety maštab nie tak bačny.
Abiacajuć paśla novyja pasadzić. Ale my ž razumiejem, jak heta byvaje. Jak na praśpiekcie ŭ Minsku. I nie viedaju, ci byli hramadskija abmierkavańni prajekta dobraŭparadkavańnia, jak heta pryniata», — kaža jon.
Jak paviedamili miascovaj rajoncy «Čyrvony Kastryčnik» ŭ adździele žyllova-kamunalnaj haspadarki, architektury i budaŭnictva rajvykankama, drevy pa vulicy Savieckaj ad haścinicy da kramy «Dary ad zary» vykarčoŭvajucca ŭ suviazi z tym, što
jany pieraškadžajuć dalejšamu dobraŭparadkavańniu i sučasnamu abnaŭleńniu centralnaj vulicy harpasiołka.
«Pad kaštanami pralahajuć kamunikacyi da abjektaŭ, u jakich budzie pravodzicca rekanstrukcyja, i tamu ŭ ich vykarčoŭvańni jość vostraja techničnaja nieabchodnaść. Ale chvalavacca nie varta: paśla zaviaršeńnia rabot uzdoŭž vulicy znoŭ buduć vysadžany novyja pasadki. A značyć, maładyja dreŭcy ŭpryhožać naš rodny pasiołak i stanuć dobrym dadatkam da abnoŭlenaha i sučasnaha abličča našaj małoj radzimy», — piša «Čyrvony Kastryčnik».
Čytajcie taksama:
U ahraharadku pad Mścisłavam žychary tałakoj budujuć kaplicu
U Hrodnie zatrymali pravaabaroncu Viktara Sazonava. Ciłaviki byli ŭ bajavoj amunicyi
Kamientary