Mastak stvaryŭ unikalnyja hulni dla biełarusaŭ. U kožnaj ź ich — hłyboki sens
Mastak Alaksandr Adamaŭ paśla 2020-ha zrabiŭ sieryju art-abjektaŭ, jakija nazvaŭ «Nie hulni». Usie jany — jaho refleksija na padziei ŭ Biełarusi. Alaksandr raskazaŭ pra toje, jak hulać u hetyja dziŭnyja hulni i što za imi staić.
Kali Alaksandr stvaraŭ art-abjekty, jon kiravaŭsia tym, što nie moža vystaŭlacca ŭ Biełarusi.
Isnuje šmat kancepcyj z prystaŭkaj nie. Naprykład, «Nie miescy». U prastory haradoŭ jość miescy, jakija dziejničajuć pa praviłach, ale nie pa łakalnych asablivaściach. Umoŭna, dla taho, kab nie zabłudzić u aeraportach, jany pavinny ŭsie mieć adnolkavuju łohiku.
Hetyja hulni mastak pradaje pa canie ad 40 da 100 jeŭra.
Fihura-razmaloŭka «Vaza»
«Meta hulni — skarystacca pravam vybaru: afarboŭvać vazu ci nie. Adsyłka da vaz i balustrad na płoščy Pieramohi. Zrabiŭ ja jaje ŭ 2021-m.
Kubiki «Piersanalny manumient»
«Historyja z kubikami — heta jaho akcyja ŭ 2012 hodzie. Michaś pa horadzie nasiŭ kubiki i rabiŭ ź ich alternatyŭnyja pomniki, manumienty na płoščach. Udałosia zrabić šmat fatahrafij u roznych miescach. Na płoščy Lenina Hulina zatrymali. Hetuju historyju ja taksama vynies u instrukcyju.
Mazaika Fatern-pattern
«Ź bietonu zroblena minijaciurnaja plitka. Možna vykładvać roznymi ŭzorami darožnuju plitku.
Łabirynt «Płan evakuacyi»
«Łabirynt» — hałoŭnaja praca ŭ hetaj sieryi.
Pieršy varyjant łabirynta byŭ vialiki, z dreva. Zrabiŭ jaho ŭ 2021 hodzie ŭ rezidencyi dla mastakoŭ u Charkavie. U 2022-m vyrašyŭ pieraŭtvaryć jaho ŭ maleńki farmat, bo biełarusy raźjechalisia pa ŭsim śviecie, treba, kab zručna było vazić z saboj. A ciapier pieraŭtvaryŭ u prazrysty łabirynt, jaki składajecca z troch płastoŭ. Treba zaŭvažyć, dzie jość pierachody pamiž płastami. Hulnia ŭskładniłasia maksimalna. I sam praces vyjezdu biełarusaŭ z krainy staŭ nievierahodna składanym. U mianie atrymałasia prajści hety novy łabirynt», — raskazvaje Alaksandr.
«Pišu pryhoža!»
Kali ja apublikavaŭ hetuju Kanstytucyju, čamuści było šmat pytańniaŭ ad ludziej, navošta ja vykarystoŭvaju dziaržaŭnuju simvoliku».
Sšytak «Śfiery ŭpłyvu»
12 arkušaŭ padzielena na čatyry hulni.
Collecting
Padabajecca jana mnie, tamu što jana adkryła cełuju sieryju, ale nie padabajecca, tamu što ja jašče nie adčuvaŭ nieabchodnaści pahłybleńnia ŭ biełaruski kantekst. Tut jon adsutničaje, ale jość antystres, pozirk na siabie», — kaža mastak.
Tangramarble
Hetu hulniu Alaksandr zrabiŭ razam ź Siarhiejem Šabochinym.
Pierakładańnie, składańnie hetych elemientaŭ i lehła ŭ asnovu hulni. Zakryvajem nadpisy, instrukcyju dla hulni, a kali mietafaryčna, to zakryvajem prablemu», — raskazvaje mastak.
The «Dead End» puzzle
«Heta hałavałomki ź mietału, — kaža Alaksandr. — Ja prosta dadaŭ siudy kalučy drot. Hetyja cacki zrabiŭ padčas naśpiavańnia mihracyjnaha kryzisu na miažy Biełarusi i Polščy. Hulnia z čałaviečymi žyćciami sparadziła takuju pracu. Jana ab tym, što ŭvieś čas šukaješ vyjścia, raźviazki, ale jość pieraškody ŭ vyhladzie hetych kalučak. U cełym tut mała čaho jość ad cacki, hulnia vyklikaje abureńnie, niežadańnie hulać u jaje. Heta bolš vystavačny ŭzor».
Rotakey
«Rotakiej» biare svoj pačatak u pryncypach hulni 70-ch hadoŭ minułaha stahodździa pad nazvaj rotadraw, jakaja ŭjaŭlała saboj nabor kruhoŭ z adtulinami, pastupova malujučy jakija, atrymlivajecca hrafičnaja vyjava.
«Najhraŭšysia, čałaviek atrymlivaje nieabchodnyja navyki lohkaj šyfroŭki niekatorych paviedamleńniaŭ i, što taksama važna, parolaŭ, jakija składana zapomnić. Bo jak pryjemna mieć na ścianie śvietłuju abstrakcyju ŭ ramačcy i razumieć, što parol zaŭsiody navidavoku i pry hetym taki daloki dla čužoha razumieńnia», — raskazvaje Alaksandr.
Nabor «DŽNK»
«Z hetaha naboru možna skłaści niejki svoj piersanalny pomnik. Mnie zdajecca, što heta vielmi kłasnaja hulnia, bo jana raskazvaje pra naš kantekst.
Razmaloŭka «Ad śvitańnia da źmiarkańnia 12 razoŭ»
Ja ŭspomniŭ, što jość taki dziciačy sposab malavańnia, kali treba prykłaści da akna jakuju-niebudź vyjavu, a na jaje potym bieły list. Jana praśviečvajecca, i možna abvodzić malunak.
Mnie zdałosia, što hety absurd možna tak pakazać. Praviły hulni davoli strašnyja. Dla taho, kab u jaje hulać, treba stajać z prykładzienym listkom da akna.
Skakałka «Treba treniravacca»
«Heta mylicy, jakija źviazany śpiecyjalnaj nitkaj, — kaža mastak. — Z-za hetaha jany pieratvarajucca ŭ skakałku. Kab ź imi chadzić, treba pieraskokvać nitku ŭvieś čas. Heta jak svojeasablivy antystres. Kantekst u tym, što, kab być u biaśpiecy, tabie treba ŭvieś čas treniravacca, prachodzić vyprabavańni.
Hety art-abjekt nie pradajecca.
Čytajcie taksama:
Vyjšła nastolnaja hulnia «Tutejšyja» sa znakamitymi biełarusami
Kamientary