Banan — sapraŭdnaja skarbnica kaliju, jašče jany padtrymlivajuć imunitet i vydatna palahčaje mienstrualnyja boli. Ale karysnyja nie tolki sami banany, ale i łupiny ad ich.
Palapšaje stan vałasoŭ
Vy pierasprabavali mnostva aptečnych srodkaŭ, ale vašy vałasy pa-raniejšamu suchija i pazbaŭlenyja blasku? Pasprabujcie bananavuju łupinu — zrabicie ź jaje masku dla vałasoŭ!
Naprykład, dla stvareńnia samarobnaj maski jość taki recept ad amierykanskaj błohierki:
- Vaźmicie skurku adnaho banana i pakładzicie ŭ kastrulu. Zalicie vadoj tak, kab jana całkam pakryŭ skurku, nie mienš za dźvie šklanki.
- Daviadzicie da kipieńnia. Hatujcie kala 20—30 chvilinaŭ. Paśla pakińcie jašče hadzinu, kab jana nastajałasia. Pracadzicie. Dla zručnaści pieralicie jaje ŭ jomistaść z pulvieryzataram.
- Apyrskajcie joj vałasy pa ŭsioj daŭžyni i pačakajcie hadzinu. Paśla zmyjcie vadoj.
Dapamahaje pazbavicca ad marščyn i drobnych defiektaŭ
Banany karysnyja i dla skury. Jany bahatyja vitaminam A, jaki dapamahaje pazbavicca ad vuhroŭ, i vitaminam B, jaki zapavolvaje praces stareńnia i ŭvilhatniaje skuru.
Da prykładu, davoli papularny taki recept:
- Treba ŭziać łupinu banana i narezać. Pakłaści ŭ kastrulu, dadać rys i stakan vady.
- Davieści da kipieńnia i varyć kala 10—15 chvilinaŭ, pakul rys nie stanie miahčeć. Kali vada vykipieła, a rys nie zvaryŭsia, to treba dadać trochu vady.
- Atrymanuju masu treba pataŭčy — praściej za ŭsio ŭ zvyčajnym błendary. Možna jaje prapuścić praź sita, kab było trochu mieniej čaścinak.
- U hetuju masu dadajcie stałovuju łyžku z horkaj kukuruznaha kruchmału, stałovuju łyžku limonnaha abo apielsinavaha soku i čajnuju łyžku suchoha małaka. Dobra pieramiašajcie. Zachoŭvajcie ŭ chaładzilniku.
- Naniasicie atrymanuju masku na dobra vymytuju skuru tvaru. Patrymajcie 20—25 chvilinaŭ i zmyjcie vadoj.
A na hetym sajcie jašče siem receptaŭ.
Supakojvaje simptomy ŭkusaŭ i apiokaŭ
Vas ukusiła asa ci kamar? Prosta prykładzicie trochi bananavaj łupiny da chvoraha miesca na dźvie-try chviliny.
U bananavaj łupinie jość naturalnyja alei, jakija akazvajuć zaspakajalnaje dziejańnie na drobnyja apioki i drapiny.
Vydalaje stremki
Zamiest taho kab vyciahvać stremku z palca ihołkaj abo pincetam, skarystajciesia kavałačkam bananavaj łupiny. Prosta prykładzicie jaje da stremki i zalapicie płastyram. Praź niekalki chvilinam vyciahnuć stremku budzie značna lahčej.
Niezamienny dla paliravańnia
Bananavuju łupinu taksama možna vykarystoŭvać dla paliroŭki skuranoha abutku. Vykarystoŭvajcie ŭnutranuju častku łupiny, kab akuratna adpaliravać pavierchniu abutku. Vydalicie ŭsie reštki survetkaj. Ale nielha pakidać kavałački łupiny pamiž švami abo ŭ adtulinach dla šnurkoŭ, bo tady abutak znoŭ budzie brudny.
Vydatnaje ŭhnajeńnie
Jaho vielmi lohka zrabić, a pažyŭnyja rečyvy, jakija źmiaščajucca ŭ im, vydatna padyduć dla vašych vazonaŭ.
Dla ŭhnajeńnia vam spatrebiacca bananavaja łupina i trochi vady. Spačatku narežcie łupinu na drobnyja kavałački i pakładzicie ich u słoik. Zalicie vadoj i pačakajcie minimum 14 dzion — pažadana ŭ zacišnym miescy ŭ aharodzie ci na bałkonie. Kampost vydaje niepryjemny pach, tamu nie varta trymać jaho ŭ domie.
Čytajcie jašče:
Zamačycie nohi ŭ pierakisie vadarodu — i vy pazbaviciesia nadakučlivaj prablemy
Dla čaho vykarystoŭvajecca treci adsiek u pralnaj mašynie? Vy možacie ździvicca
Siezon vosaŭ u razhary. Voś jak ich advadzić
«Ja padniaŭ adnaho sa słabavikoŭ — i vypuściŭ jaho na asfalt». Desantnik Rusłan Akostka raskazaŭ, jak adsiedzieŭ 4 hady9
Kamientary
p.s. no ja čiesshria podumała, čto hovoria łopucha obyknoviennoho, eto vy imieli v viedu siebia. ja pravilno podumała?