Na Novy hod u Biełarusi čakajecca jašče bolšy prytok rasijskich turystaŭ
Kolkaść rasijan, jakija płanujuć navahodni adpačynak u Biełarusi, znoŭ rezka vyrasła ŭ paraŭnańni ź minułym hodam, adznačaje Rasijski sajuz turystyčnaj industryi (RST).
Pavodle danych turapieratara «Alean», jaki ŭvachodzić u RST, popyt na sanatoryi Biełarusi ŭ paraŭnańni ź minułym hodam vyras na 23 pracenty, na hateli — na 28 pracentaŭ.
Samyja zapatrabavanyja tury na zimovyja kanikuły — ekskursijnyja. Na ich prypadaje kala 31 pracenta ad usiaho abjomu braniravańnia ekskursijnych turaŭ na śviatočnyja daty. Asablivaj papularnaściu ŭ turystaŭ karystajecca tur «Navahodniaje padarožža ŭ Minsk» z 31 śniežnia pa 2 studzienia.
Vyras popyt na tury ŭ Biełaruś i ŭ vosieński pieryjad. Da kanca vieraśnia hetaha hoda zroblena na 25 pracentaŭ bolš braniravańniaŭ sanatoryjaŭ, na 72 pracenty bolš braniravańniaŭ hatelaŭ Minska i na 55 pracentaŭ bolš braniravańniaŭ ekskursijnych turaŭ pa ŭsioj krainie.
«Šerah zdraŭnic u kastryčniku ŭžo całkam zapoŭnienyja. Ale ŭ cełym deficytu miescaŭ u sanatoryjach da kanca vosieni nie nazirajecca. Siaredniaja praciahłaść tura ŭ sanatoryi — 10-12 dzion. Z ekskursijnych turaŭ najbolšym popytam karystajucca prahramy praciahłaściu 5-7 dzion, jakija achoplivajuć niekalki haradoŭ: Minsk, Mir, Niaśviž, Brest, Hrodna, Lida i inš. Jak i ŭ minułym hodzie, aktyŭna branirujuć aŭtobusnyja tury z Maskvy», — raskazali ŭ pres-słužbie RST.
Turystam prapanujuć tury jak na 2-3 dni, tak i 5-7-dzionnyja. Ich košt vahajecca ad 26 tys. da bolš jak 71 tys. rasijskich rubloŭ (pryblizna ad 900 da 2500 biełaruskich) na dvaich biez uliku koštu čyhunačnych biletaŭ.
Adznačajecca, što košt ekskursijnych turaŭ pavialičyŭsia na 5-10 pracentaŭ u paraŭnańni ź minułym hodam.
La ścien Lidskaha zamka ŭzvodziać restaran biełaruskaj kuchni
U Prypiackim nacparku zaprašajuć na niezvyčajnuju ekskursiju — pasłuchać roŭ aleniaŭ
Turysta z Sankt-Pieciarburha znajšli miortvym u voziery ŭ Hłybockim rajonie. Cieła pabačyła žonka
Biełarus dasłaŭ u šerah rajvykankamaŭ prośby pamianiać movu vuličnych šyldaŭ. Što jamu adkazali
Kamientary