Piaskova spytali, chto ŭ Rasii budzie vyznačać, ci pryjšoŭ čas prymianiać jadziernuju zbroju
Nastupleńnie ŭmoŭ dla ŭžyvańnia Rasijaj jadziernaj zbroi, zhodna z novaj dziaržaŭnaj palitykaj u halinie jadziernaha strymlivańnia, budzie vyznačać Minabarony RF, zajaviŭ śpikier Kramla Dźmitryj Piaskoŭ.
«Heta chutčej prerahatyva našych śpiecyjalistaŭ, našych vajskoŭcaŭ. Jany ŭvažliva sočać za tym, jakija mienavita ŭzbrajeńni i jak vykarystoŭvajucca. Mienavita jany fiksujuć naŭprostavuju ŭciahnutaść krain kalektyŭnaha Zachadu ŭ kanflikt vakoł Ukrainy, i jany nie buduć asłablać svaju ŭvahu», — skazaŭ Piaskoŭ, piša VVS.
Pa słovach Piaskova, karekciroŭki ŭ asnovy dziaržpalityki ŭžo pačynajuć afarmlacca.
Pra toje, što Rasija mianiaje svaju jadziernuju daktrynu i istotna pašyraje śpis padstaŭ dla ŭžyvańnia jadziernaj zbroi, 25 vieraśnia abviaściŭ Uładzimir Pucin. Siarod inšaha Rasija ŭniesła ŭ svaju jadziernuju daktrynu prava ŭžyć jadziernuju zbroju ŭ vypadku ahresii ŭ dačynieńni da Biełarusi.
Niekatoryja ekśpierty ličać, što źmienami ŭ jadziernuju daktrynu Maskva adreahavała na dyskusiju ab mahčymym dazvole Ukrainie ŭžyvać zachodnija rakiety ŭhłyb Rasii.
KDB vypadkova vydaŭ dvuch supracoŭnikaŭ, adkaznych za stvareńnie śpisa «terarystaŭ»22
Kamientary
" nie družiestviennych" krain.