Pažar achapiŭ čatyry pavierchi.
U noč na 30 vieraśnia ŭ žyłym kompleksie «Sielihier Sici» ŭ Maskvie adbyłasia sieryja vybuchaŭ. Usiaho prahučała ad piaci da vaśmi vybuchaŭ, paśla čaho pačaŭsia mocny pažar, jaki chutka achapiŭ kvatery ź piataha pa vośmy pavierch, piša Moscow Times.
Pavodle papiarednich źviestak, pryčynaj vybuchaŭ stali hazavyja bałony, jakija znachodzilisia ŭ adnoj z kvater na piatym paviersie.
U hetaj kvatery išoŭ ramont, a jak minimum čatyry bałony z hazam byli dastaŭlenyja ŭ jaje napiaredadni viečaram dla ŭstanoŭki naciažnoj stoli. U susiednich kvaterach vybuchovaj chvalaj vybiła vokny.
U vyniku vybuchaŭ zahinuŭ adzin čałaviek — ratavalniki znajšli jaho cieła paśla taho, jak pažar byŭ patušany i pačaŭsia razbor zavałaŭ. Infarmacyi pra poł i ŭzrost zahinułaha niama. Taksama nie paviedamlajecca, ci zavieršany razbor zavałaŭ. Jašče dvoje paciarpieli, u tym liku dzicia. Jany dastaŭleny ŭ haradskija balnicy, im akazvajecca miedycynskaja dapamoha. Vyratavać udałosia piać čałaviek.
Adzin ź ich vyskačyŭ z akna — miascovyja žychary złavili jaho na raściahnutuju koŭdru. Mužčyna zastaŭsia žyvy, ale atrymaŭ niekalki pierałomaŭ.
Z-za pažaru ruch pa častcy Ilmienskaha prajezdu byŭ pierakryty. Supracoŭniki MNS ačapili miesca zdareńnia. Ahoń tušyli 88 čałaviek, a całkam likvidavać uzharańnie ŭdałosia tolki praź dźvie hadziny paśla vybuchaŭ — da 4:25 pa maskoŭskim časie.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary