Rasija pryznała, što vakcyna, jakoj pryščapiŭsia Makiej, maje amal nulavuju efiektyŭnaść
Efiektyŭnaść dvuchfaznaj vakcyny «EpiVakKarona» vytvorčaści centra «Viektar» ad paražeńnia lohkich na fonie raspaŭsiudžvańnia štamaŭ «delta» i «amikron» skłała tolki 2%.
Anałahičny pakazčyk dla troch doz «Sputnika V» (vakcynacyja dvuma dozami plus revakcynacyja «Sputnikam Łajt») składaje 71%, dla vakcyny «KaviVak» — 46%. Da takoj vysnovy ŭ svaim daśledavańni pryjšli navukoŭcy i miedyki ź Jeŭrapiejskaha ŭniviersiteta ŭ Sankt-Pieciarburhu i miedycynskaha instytuta imia Biarezina Siarhieja (MIBS).
U pracy aŭtary analizavali danyja pacyjentaŭ sa stanoŭčym PŁR-testam na karanavirus (pacyjenty z sumnieŭnym abo admoŭnym testam vyklučalisia z vybarki), jakija byli nakiravanyja na kampjutarnuju tamahrafiju lohkich (KT) u dva ambułatornyja centry MIBS u Sankt-Pieciarburhu z 1 kastryčnika 2021 hoda pa 28 krasavika 2022-ha, što adpaviadaje pieryjadu raspaŭsiudžvańnia ŭ Rasii štamaŭ «delta» i «amikron».
Tak bolš čym z 6 tys. pacyjentaŭ, pryščeplenych dvuma dozami «Sputnika V», 3631 čałaviek u pryncypie nie atrymali paškodžańniaŭ lohkich, 3135 pacyjentaŭ atrymali niejkaje paškodžańnie i tolki 52 atrymali surjoznaje paškodžańnie.
Dla «EpiVakKarony» značeńni vyhladajuć tak: z 314 čałaviek tolki 104 nie atrymali nijakich paškodžańniaŭ lohkich, u 210 jany byli, jašče ŭ pieciarych paškodžańni byli surjoznymi.
U nievakcynavanych (jany nie ŭličvalisia ŭ kančatkovym vyniku efiektyŭnaści vakcyn suprać paražeńnia lohkich), siarod bolš čym 12 tysiač, u 8254 paražeńni lohkich byli, u 257 jany byli ciažkimi. Tolki krychu bolš čym u traciny ad kolkaści niepryščeplenych (4454 čałavieki) nie było paražeńnia lohkich.
Bolš za ŭsio vypadkaŭ ciažkaha paškodžańnia lohkich (244) było padčas raspaŭsiudžvańnia «delty», heta značyć z kastryčnika 2021-ha pa studzień 2022-ha. Padčas raspaŭsiudžvańnia «amikrona», sa studzienia pa krasavik 2022 hoda — tolki 94.
Jak pakazali siabie vakcyny pry delta— i amikron-štamie
Dla acenki efiektyŭnaści rasijskich vakcyn aŭtary vykarystoŭvali kłasičny dla takoha rodu daśledavańniaŭ davierny intervał u 95%. To-bok, kali pravieści 95 ekśpierymientaŭ sa 100, efiektyŭnaść vakcyny budzie znachodzicca ŭ miežach dyjapazonu hetaha intervału.
Naprykład, pa danych daśledavańnia, dla dvuch doz «Sputnika V» efiektyŭnaść suprać luboha paražeńnia lohkich z daviernym intervałam 95% składaje 56% (z dyjapazonam ad 54 da 59%). Dla troch doz «Sputnika V» efiektyŭnaść składaje 71% (z dyjapazonam ad 68 da 74%).
Efiektyŭnaść «KaviVaka» dla abarony ad paražeńnia lohkich, pa danych aŭtaraŭ, skłała 46% (dyjapazon ad 37 da 53%).
Dla «EpiVakKarony» efiektyŭnaść minimalnaja i składaje ŭsiaho 2%, pry hetym efiektyŭnaść vakcyny pry praviadzieńni ekśpierymientaŭ u teoryi moža pakazać navat admoŭnyja značeńni: ad minus 27 da 24%.
Što tyčycca abarony ad ciažkaha paražeńnia lohkich, to aŭtary atrymali nastupnyja vyniki pa efiektyŭnaści rasijskich preparataŭ: 76% dla dvudoznaha «Sputnika V», 36% dla «EpiVakKarony» i 80% dla «KaviVaka».
«My možam skazać, što dla «EpiVakKarony» pakazčyk efiektyŭnaści statystyčna niaznačny, heta značyć jon nieadrozny ad poŭnaj adsutnaści efiektyŭnaści [ad jakoha-niebudź paražeńnia lohkich]», — rastłumačyŭ «RBK» adzin z aŭtaraŭ daśledavańnia, dyrektar Instytuta miždyscyplinarnych mieddaśledavańniaŭ Jeŭrapiejskaha ŭniviersiteta ŭ Sankt-Pieciarburhu Anton Barčuk. Adkazvajučy na pytańnie, čamu ŭ daśledavańnie za taki praciahły pieryjad uklučanyja danyja tolki pra 314 udzielnikaŭ z «EpiVakKaronaj», Barčuk rastłumačyŭ, što hetaja vakcyna radziej za ŭsio vykarystoŭvałasia dla vakcynacyi, akramia taho, hetaj kolkaści dastatkova, kab rabić vysnovy ab efiektyŭnaści.
Pry hetym Barčuk padkreślivaje, što daśledavańnie naziralnaje — na jaho padstavie nielha rabić kančatkovyja vysnovy pra efiektyŭnaść vakcyn.
«Takija daśledavańni važnyja dla taho, kab pahladzieć, jak pavodziać siabie vakcyny ŭ źmienlivych umovach, z novymi štamami — jany zachoŭvajuć svaju efiektyŭnaść abo nie», — dadaŭ jon.
Reziumujučy: u pracy aŭtary pakazvajuć, što na siońnia daśledavańni treciaj fazy vakcyn «EpiVakKarona» i «KaviVak» nie byli apublikavanyja. «My ličym, što vyniki daśledavańnia majuć pramoje značeńnie dla vakcynavaj palityki ŭ Rasii. [Da vykarystańnia] «EpiVakKarony» nie varta zaachvočvać, asabliva padčas chvalaŭ novych varyjantaŭ SARS-CoV-2», — havorycca ŭ prepryncie.
«EpiVakKarona» nieefiektyŭnaja suprać kavidu i navat škodnaja. A joj pryščaplaŭsia Makiej
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary
a hetaje ŭsio dabro ŭ jaho kali-niebudź było?
majo kolišniaje, što nie moža być pa aznačeńni ŭ jahonaj (łui) abojmie ludziej ź pieraličanymi vami jakaściami spracoŭvaje na ŭsie 100%. bo, pamiatajecca, što niekatoryja, tut na nn, dumali, što moža makiej dobry ci rumas. a łatuška dyk vaapšče - jon ža pa-biełarusku razmaŭlaje. nie. nie vyklučeńnie tut i pierabiehły łukavy łatuška