Rasijski deputat, jakoha sudziać za antyvajennyja zajavy, u apošnim słovie vystupiŭ z pakajańniem pierad ukraincami. Sudździa vyskačyŭ z zały
Padčas vystupu byłoha municypalnaha deputata, jakoha abvinavačvajuć u «apraŭdańni teraryzmu», sud pierapyniŭ jaho i abviaściŭ pierapynak.
Paśla taho jak sud pajšoŭ z pasiadžeńnia, Alaksiej Horynaŭ praciahnuŭ čytać apošniaje słova, piša jahonaja hrupa padtrymki, piša Mieduza.
Voś nievialiki ŭryvak z hetaha tekstu: «Ja naležu da adychodziačaha pakaleńnia ludziej, baćki jakich udzielničali ŭ II Suśvietnaj vajnie abo pieražyli jaje z usimi niahodami. Užo syšło pakaleńnie, jakoje zaviaščała nam usimi siłami bierahčy mir, jak samaje kaštoŭnaje, što jość na ziamli dla ŭsich jaje žycharoŭ. A my zaniadbali jaho zapavietami i abiascenili našu pamiać ab hetych ludziach i achviarach toj vajny.
Maja vina ŭ tym, što ja, jak hramadzianin svajoj krainy, dapuściŭ hetuju vajnu, nie zmoh jaje spynić. I prašu adznačyć heta ŭ prysudzie. Ale ja chacieŭ by, kab maju vinu i adkaznaść padzialili sa mnoj taksama i arhanizatary, udzielniki, prychilniki vajny, a taksama pieraśledniki tych, chto vystupaje za mir.
Praciahvaju žyć z nadziejaj, što tak kali-niebudź i budzie. A pakul prašu žycharoŭ Ukrainy i maich suhramadzian, jakija paciarpieli ad vajny, daravać mnie», — skazaŭ jon.
U vyniku Alaksieju Horynavu dali try hady kałonii pa artykule ab «apraŭdańni teraryzmu».
Pa sukupnaści dvuch prysudaŭ kančatkovy termin źniavoleńnia składzie 5 hadoŭ strohaha režymu. Raniej Horynava ŭžo asudzili na 7 hadoŭ za fejki pra Uzbrojenyja siły Rasii.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary