Krynicy telekanała «Biełsat» paviedamlajuć, što śledstva ŭ spravie aryštavanych muža i žonki Alaksandra i Iryny Lebiedź z Navahrudka rasparadziłasia nakłaści aryšt na ŭsiu ichniuju majomaść. Takaja ž situacyja ŭ Volhi Alaškievič i Taćciany Pałubok.
U aktyvista Ihara Chinieviča zabrali ŭsie najaŭnyja hrošy. U vyniku hetych dziejańniaŭ jahonaja siamja zastałasia biez srodkaŭ da isnavańnia.
Pierad hetam 30 kastryčnika ŭ Navahradku adbyłasia abłava siłavikoŭ na miascovych žycharoŭ. Pavodle žycharoŭ horada, heta byli supracoŭniki HUBAZiKa.
Niekatorych zatrymanych siłaviki sami ŭ ich telefonach padpisvali na telehram-kanały, pryznanyja režymam ekstremisckimi. Paśla pieratrusaŭ zatrymanych advozili ŭ Hrodna na dopyt. Niekalkich čałaviek adpuścili, astatnich da suda pakinuli ŭ śledčym izalatary. Z usich brali padpisku ab nierazhałošvańni. Da hetaha času nieviadomaja dakładnaja kolkaść zatrymanych
Jak minimum šeść čałaviek zastajucca pad vartaj. Suprać ich zaviedzienyja kryminalnyja spravy. Krynicy paviedamlajuć, što supracoŭniki HUBAZiKa padazrajuć aryštavanych u administravańni telehram-čata «Partyzany Navahrudka».
Suda pa spravie čakajuć Volha Alaškievič, Taćciana Pałubok, Alaksandr i Iryna Lebiedzi, Ihar Chinievič. Imiony inšych zatrymanych pakul nie raskryvajucca.
U śniežni pačnuć sudzić palitźniavolenuju maci traich niepaŭnaletnich dziaciej
«20 sutak pravioŭ u kamiery z varjatam biez adnoj ruki». Manałoh palitviaźnia, jaki trapiŭ u kałoniju za 8 rubloŭ škody
U Homieli asudzili ŭkrainca i dvuch biełarusaŭ za «ahienturnuju dziejnaść» i «zdradu dziaržavie». Letaś pra ich pakazvali film
Va Ukrainie zahinuła 24-hadovaja biełaruskaja dobraachvotnica Maryja Zajcava29
Kamientary