Łukašenka: Toje, što adbyvajecca ŭ biełaruskim kiniematohrafie, heta prosta hańba
Toje, što siońnia adbyvajecca ŭ biełaruskim kiniematohrafie, heta prosta hańba i niedapuščalna. Ab hetym Alaksandr Łukašenka zajaviŭ 2 śniežnia, pryznačajučy Rusłana Čarnieckaha novym ministram kultury.
«Z usich mastactvaŭ dla nas najvažniejšym źjaŭlajecca kino. I toje, što adbyvajecca ŭ našym kiniematohrafie, heta prosta hańba. Heta niedapuščalna. My skacilisia, my stali horš vyhladać da taho savieckaha pieryjadu, kali nadavali surjoznuju ŭvahu kiniematohrafu.
Nie skažu, što my ŭ hetym nie zacikaŭleny, ale čamuści ŭsie žadajuć mieć hrošy, ale na vychadzie nie žadajuć pahadzicca z tym, što treba mieć dobry film, karcinu dobruju. Źviarnicie na hetuju samuju surjoznuju ŭvahu», — daručyŭ Łukašenka.
Novy ministram kultury Rusłan Čarniecki, filmahrafija jakoha naličvaje 118 sieryjałaŭ i filmaŭ — pieravažna ŭ druhasnych rolach, adkazaŭ, što praciahnie svaju pracu aktoram i maje namier vielmi ščylna i surjozna zaniacca pytańniami kiniematohrafa.
«Pa-pieršaje, ja — artyst. I nikudy heta ad mianie nie dzieniecca. Toj hladač, jakomu ja važny na scenie, jaki mianie lubić, jak jon moža mianie stracić?!»
Łukašenka taksama dadaŭ, što rašeńnie pryznačyć novaha ministra kultury nie było źviazana z tym, što Anatol Markievič, jaki zajmaŭ hetu pasadu, nie spraviŭsia sa svaimi abaviazkami.
«Hety čałaviek ź inšaj śfiery, i ja śpiecyjalna nakiroŭvaŭ tudy čałavieka ź inšaj śfiery. Ja jamu nie zajzdrošču: jamu było vielmi ciažka. Tamu ja ŭsio ž viartajusia da taho, što heta pavinien być «ich čałaviek», jak kažuć, sa śfiery kultury. Vam heta ŭsio znajoma.
Vy vielmi patryjatyčny, nadziejny čałaviek. Spadziajusia, vy spraviciesia z hetaj pracaj. Prosta pa-mužčynsku chaču skazać: u ciabie, Rusłan, inšaha šlachu niama. Abo pamierci, abo navieści paradak u hetaj śfiery», — skazaŭ Łukašenka.
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi6
Kamientary
...
vykładčyca pa etycy kazała: "ia z žacham słuchaju jaho hetaje pra paradak, bo adrazu ŭzhadvaju Hitlera, jaki toje samaje kazaŭ"... a kazała jana heta jašče ŭ minułym tysiačahodździ, to bok da 2000